ଅନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳିତ

ଚିକିଟୀ,(ପୁଷ୍ପାଞ୍ଜଳୀ ମିଶ୍ର): ଅନ୍ତର୍ଜାତୀୟ ଭିନ୍ନକ୍ଷମ ଦିବସ ଅବସରରେ ଚିକିଟୀ ବ୍ଲକର ସମସ୍ତ ସରକାରୀ, ବେସରକାରୀ ପ୍ରାଥମିକ, ଉଚ୍ଚ ପ୍ରାଥମିକ ଓ ଉଚ୍ଚ ବିଦ୍ୟାଳୟରେ ଭିନ୍ନକ୍ଷମ ଦିବସ ପାଳିତ ହୋଇଯାଇଛି l ଏହି ଅବସରରେରେ ଛାତ୍ରଛାତ୍ରୀ,ପ୍ରଧାନ ଶିକ୍ଷକ,ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ମାନେ ଭିନ୍ନକ୍ଷମଙ୍କ ପ୍ରତି କୌଣସି ଅପମାନଜନକ, ସମ୍ବେଦନଶୀଳ ଶବ୍ଦ ବ୍ୟବହାର ନ କରିବା, ଅପମାନଜନକ ବ୍ୟବହାରରୁ ଦୂରେଇ ରହିବା,ଏହାକୁ ଦୂରକରିବାକୁ ସକ୍ରିୟ ଭାବେ କାର୍ଯ୍ୟ କରିବା,ସେମାନଙ୍କ ଅଭିବୃଦ୍ଧି, ପ୍ରଗତି ଓ ସମୃଦ୍ଧିକୁ ସମର୍ଥନ କରୁଥିବା ଉପଯୁକ୍ତ ପରିବେଶ ସୃଷ୍ଟି କରିବା,ସେମାନଙ୍କୁ ଉପଯୁକ୍ତ ସମ୍ମାନ ଓ ମର୍ଯ୍ୟାଦା ପ୍ରଦାନ କରିବା ଭଳି ଶପଥ ନେଇଥିଲେ l ମାଧବନ୍ଧ ଉତ୍କଳମଣୀ ବିଦ୍ୟପୀଠ,ବାହିନୀପତିସ୍ଥିତ ଧାନଘର ଉଚ୍ଚ ବିଦ୍ୟାଳୟ,ସୁମlଣ୍ଡି ଲବଣ ବୈଷୟିକ ବିଦ୍ୟାଳୟ, ଗିରିସୋଲ ମଦନ ମୋହନ ବିଦ୍ୟପୀଠ ସମେତ ସମସ୍ତ ପ୍ରାଥମିକ, ଉଚ୍ଚ ପ୍ରାଥମିକ ଓ ଉଚ୍ଚ ବିଦ୍ୟାଳୟରେ ଆଜି ଏହି ଦିବସ ପାଳିତ ହୋଇଛି l