ଅନ୍ଧାରୁଆ ପାଦପଦ୍ମ ପାହାଡ଼ରେ ନବାନ୍ନ ମହୋତ୍ସବ

ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଅନ୍ଧାରୁଆ ଗ୍ରାମ ପାଦପଦ୍ମ ପାହାଡ଼ ପ୍ରବୃଦ୍ଧ ବିହାର, ସତ୍ୟ ମହିମା ଆଶ୍ରମରେ ଚଳିତ ବର୍ଷ ନବାନ୍ନ ଉତ୍ସବ ପାଳିତ ହୋଇଯାଇଛି । ବ୍ରହ୍ମଲୀନ, ବ୍ରହ୍ମ ଅବଦୂତ ବ୍ରଜବନ୍ଧୁ ବାବାଙ୍କ ଆଦେଶରେ ଭୋର୍ ୪ଟା ବ୍ରାହ୍ମ ମୁହୂର୍ତ୍ତ ସମୟରେ ଘୃତବତୀ ସ୍ଥାପନା ସହିତ ନୂଆ ଚୁଡ଼ାରେ ପ୍ରସ୍ତୁତି ନବାନ୍ନକୁ ଅମଣିହା ଭାବେ ନୂଆ ଆଟିକାରେ ମହାପ୍ରଭୁ ଶୂନ୍ୟବ୍ରହ୍ମକୁ ଅର୍ପଣ କରିବା ସହିତ ନବାନ୍ନ ପ୍ରସ୍ତୁତି କରାଯାଇ ପ୍ରସାଦ ସେବନ କରାଯାଇଥିଲା । ଏହି ମହୋତ୍ସବରେ ମହିମା ଧର୍ମ ସମାଜ ପର ସନ୍ନ୍ୟାସୀ ଅପର ସନ୍ନ୍ୟାସୀ ସାଧୁବୃନ୍ଦ ସମେତ ବହୁ ସଂଖ୍ୟାରେ ଶ୍ରଦ୍ଧାଳୁ ଯୋଗଦାନ କରିଥିଲେ । ଏହି ମହୋତ୍ସବଟିକୁ ଅନ୍ଧାରୁଆ ଗ୍ରାମବାସୀମାନେ ସୁଚାରୂ ରୂପେ ଚଳାଇଥିବା ମହିମା ସେବା ଫାଉଣ୍ଡେସନର ସଭାପତି ଭକ୍ତ ନାରାୟଣ ଖୁଣ୍ଟିଆ ଏ ପ୍ରେସ୍ ବିଜ୍ଞପ୍ତିରେ ଜଣାଇଛନ୍ତି ।