ଅନ୍ୟଦଳ ଛାଡ଼ି ବିଜେପିରେ ସାମିଲ ହେଲେ ୩୦ ପରିବାର

ହାଟଡ଼ିହି, (ବିକାଶ ବିଶ୍ୱାଳ):କେନ୍ଦୁଝର ଜିଲ୍ଲା ଆନନ୍ଦପୁର ନିର୍ବାଚନମଣ୍ତଳୀ ଅନ୍ତର୍ଗତ ଶାଳଣିଆଁ ମଣ୍ତଳରେ ବିଜେପି ପକ୍ଷରୁ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଶାଳଣିଆଁ ବିଜେପି ଏସସି ମୋର୍ଚ୍ଚା ସଭାପତି କମଳଲୋଚନ ଜେନାଙ୍କ ଆହ୍ୱାନକ୍ରମେ ସଡ଼ଙ୍ଗ ଗ୍ରାମପଞ୍ଚାୟତର ବିଶିଷ୍ଟ ସମାଜସେବୀ ତଥା ସଙ୍ଗଠକ ରବିନ୍ଦ୍ର କୁମାର ନାୟକଙ୍କ ନେତୃତ୍ୱରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସୁଶାସନରେ ପ୍ରଭାବିତ ହୋଇ ହାବଳେଶ୍ୱର ପଞ୍ଚାୟତ ଅନ୍ତର୍ଗତ ଶାଳବଣି ଗ୍ରାମର ୩୦ଟି ପରିବାରର ପ୍ରାୟ ୨୦୦ ଭୋଟର ବିଜେପି ରେ ସାମିଲ ହୋଇଛନ୍ତି । ଉକ୍ତ କାର୍ଯ୍ୟକ୍ରମକୁ ବରିଷ୍ଠ ବିଜେପି କର୍ମୀ ଶ୍ରୀ ରମାକାନ୍ତ ପଢୀଆରୀ, ମଣ୍ତଳ ସାଧାରଣ ସମ୍ପାଦକ ଜଗନ୍ନାଥ ବାରିକ, ଅଭିମନ୍ୟୁ ଜେନା, କମଳାକାନ୍ତ ଜେନା, ରାଜେନ୍ଦ୍ର ଜେନା, ବାମନ ଜେନା ରାଜେନ୍ଦ୍ର ଜେନା, ଶଙ୍କର୍ଷଣ ମିଶ୍ର, ସନ୍ତୋଷ କୁମାର ଜେନା ପ୍ରମୁଖ ପରିଚାଳନା କରିଥିଲେ ।