ଅବକାରୀ ଚଢ଼ାଉ, ୨୮ଲିଟର ମଦ ଜବଦ, ତିନି ଗିରଫ

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ଅବକାରୀ ବିଭାଗ ପକ୍ଷରୁ ଆଜି ହାଟଡିହି ବ୍ଲକର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୨୮ଲିଟର ଦେଶୀ ମଦ ଜବଦ କରାଯାଇଥିବାବେଳେ ଏହି ଘଟଣାରେ ତିନିଜଣଙ୍କୁ ଗିରଫ କରାଯାଇଥିବା ସୁଚନା ମିଳିଛି । ସୁଚନାରୁ ଜଣାଯାଇଛି ଯେ ଆଜି ଆନନ୍ଦପୁର ଅବକାରୀ ଇନସପେକ୍ଟର ପ୍ରଫୁଲ କୁମାର ମହାନ୍ତ, ହାଟଡିହି ଅବକାରୀ ଥାନା ଅଧିକାରୀ ଜନାର୍ଦ୍ଦନ ପଲେଇ ପ୍ରମୁଖ ନନ୍ଦିପଦା ଗ୍ରାମରେ ନେଉଳିଆ ସାହିରେ ଚଢ଼ାଉକରି ସମ୍ବରା ମାରାଣ୍ଡିଙ୍କ ନିକଟରୁ ୧୨ଲିଟର ଦେଶୀ ମଦ ଜବଦ କରିଥିବାବେଳେ ଗେଡମା ଗ୍ରାମର ଶାନ୍ତିଲତା ନାୟକଙ୍କ ଠାରୁ ୮ଲିଟର ଓ ଅସିଆ ଗ୍ରାମର ଧନୁର୍ଜୟ ମହାନ୍ତଙ୍କ ନିକଟରୁ ୮ଲିଟର ଦେଶୀ ମଦ ଜବଦ କରିଥିଲେ । ପରେ ଏହି ତିନିଜଣଙ୍କ ନାମରେ ମାମଲା ରୁଜୁକରି ଗିରଫ କରି କୋର୍ଟ ଚାଲାଣ କରିଥିବା ହାଟଡିହି ଅବକାରୀ ଥାନା ଅଧିକାରୀ ଜନାର୍ଦ୍ଦନ ପଲେଇ ସୁଚନା ଦେଇଛନ୍ତି । ଏହି ଚଢ଼ାଉରେ ମିଥୁନ ଜେନା, ନିବେଦିତା ମାଝୀ, ସୁଶାନ୍ତ ରାଉତ, ଆରତୀ ବେହେରା ପ୍ରମୁଖ କର୍ମଚାରୀ ମାନେ ସାମିଲ ହୋଇଥିଲେ ।