ଅବସରପ୍ରାପ୍ତ ବିଦ୍ୟୁତ୍ କର୍ମଚାରୀଙ୍କ ପକ୍ଷରୁ ବୃକ୍ଷରୋପଣ

ବାଲେଶ୍ୱର, (ସରୋଜ ପଣ୍ଡା):ଉତ୍ତର ଓଡ଼ିଶା ଅବସରପ୍ରାପ୍ତ ବିଦ୍ୟୁତ୍ କର୍ମଚାରୀ ସଂଘ ଓ ପାୱାର ଏମ୍ପ୍ଲୟିଜ୍ ୟୁନିୟନର ମିଳିତ ସହଯୋଗରେ ବୃକ୍ଷରୋପଣ କାର୍ଯ୍ୟକ୍ରମ ଆରମ୍ଭ ହୋଇଛି । ପ୍ରଥମ ପର୍ଯ୍ୟାୟରେ ବାଲିଆ ବିଦ୍ୟୁତ୍ ଅଫିସ୍ ପରିସରରେ ବୃକ୍ଷରୋପଣ କରାଯାଇଛି । ବୃକ୍ଷରୋପଣ ପରେ ଏହାର ବୃଦ୍ଧି ଓ ସୁରକ୍ଷା ପାଇଁ ସଂଘ ପକ୍ଷରୁ ଖର୍ଚ୍ଚ ଅଟକଳ ଗୃହୀତ ହୋଇଛି ବୋଲି ସଂଘ ପକ୍ଷରୁ କୁହାଯାଇଛି । ଅବସରପ୍ରାପ୍ତ କର୍ମଚାରୀ ସଂଘର ସଭାପତି ଜଗଦୀଶ ବେହେରା, ସଂପାଦକ ଆଶିଷ କୁମାର ଜେନାଙ୍କ ସମେତ ପାୱାର ଏମ୍ପ୍ଲୟିଜ୍ ୟୁନିୟନର ସାଧାରଣ ସଂପାଦକ ତାରାକାନ୍ତ ପଟ୍ଟନାୟକ, ସଂଘର କର୍ମକର୍ତ୍ତା ଓ ସଦସ୍ୟମାନଙ୍କ ମଧ୍ୟରୁ ଅକ୍ଷୟ କୁମାର ଜେନା, ଭରତ ଚନ୍ଦ୍ର ସେଠୀ, ବୃନ୍ଦାବନ ଚନ୍ଦ୍ର ମହାନ୍ତି, ବ୍ରହ୍ମାନନ୍ଦ ଦାସ, ଗୀତା ପଟ୍ଟନାୟକ, ନବକୁମାର ଦାସ, ସୁରେନ୍ଦ୍ର ଲେଙ୍କା, ଭରତ ଚନ୍ଦ୍ର ବେହେରା ଏବଂ ଏଆଇଟିୟୁସି ଉପ-ସଭାପତି ଗୌରାଙ୍ଗ ପାଣିଗ୍ରାହୀ, ଜିଲା ସଂପାଦକ ଶ୍ୟାମସୁନ୍ଦର ଜେନା ବୃକ୍ଷଚାରା ରୋପଣ କାର୍ଯ୍ୟକ୍ରମରେ ଉପସ୍ଥିତ ଥିଲେ ।