ଅବସରପ୍ରାପ୍ତ ବ୍ୟାଙ୍କ କର୍ମଚାରୀଙ୍କ ବିୟୋଗ

ଛତ୍ରପୁର : ଛତ୍ରପୁରର ଜଣେ ବରିଷ୍ଠ ନାଗରିକ, ଅବସରପ୍ରାପ୍ତ ବ୍ୟାଙ୍କ କର୍ମଚାରୀ ତଥା ଛତ୍ରପୁର ଜଗନ୍ନାଥ ମନ୍ଦିର ଟ୍ରଷ୍ଟର ଜଣେ ସହଯୋଗୀ ସଦସ୍ୟ, ରୋଟାରିୟାନ ଆରଏନ୍ ଚୌଧୁରୀଙ୍କ ବିୟୋଗ ଘଟିଛି । ସ୍ୱର୍ଗତ ଚୌଧୁରୀ ଅସୁସ୍ଥ ଥିବା ଯୋଗୁଁ ଭୁବନେଶ୍ୱରରେ ଥିବା ଏକ ଘରୋଇ ହସପିଟାଲରେ ଚିକିତ୍ସିତ ହେଉଥିବା ସମୟରେ ଆଜି ସକାଳ ୧୦ଟାରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସେ ଜଣେ ମେଳାପି, ପରୋପକାରୀ, ସମାଜସେବୀ, ବନ୍ଧୁ ବାତ୍ସଲ୍ୟ ରୂପେ ଛତ୍ରପୁର ଓ ଏହାର ଆଖପାଖ ଅଂଚଳରେ ସୁପରିଚିତ ଥିଲେ । ସ୍ୱର୍ଗତ ଚୌଧୁରୀଙ୍କ ବିୟୋଗରେ ଛତ୍ରପୁର ଅଂଚଳର ବହୁ ଜନସାଧାରଣ ଗଭୀର ଶୋକ ପ୍ରକାଶ କରିବା ସହ ତାଙ୍କର ଅମର ଆତ୍ମାର ସଦଗତି ନିମନ୍ତେ କାମନା କରିଛନ୍ତି ।