ଅବସରପ୍ରାପ୍ତ ଶିକ୍ଷକଙ୍କ ପରଲୋକ

ଭଣ୍ଡାରିପୋଖରୀ, ( ଦୁର୍ଯ୍ୟଧନ ଲେଙ୍କା) : ଭଣ୍ଡାରିପୋଖରୀ ବ୍ଲକ ରାମଚନ୍ଦ୍ରପୁର ପଂଚାୟତ ଖଡ଼ିସିଙ୍ଗା ଗ୍ରାମର ଅବସରପ୍ରାପ୍ତ ପ୍ରଧାନଶିକ୍ଷକ ଶିବ ଚରଣ ମଲ୍ଲିକ (୮୨)ଙ୍କର ପରଲୋକ ଘଟିଛି । ସ୍ଵର୍ଗତ ମଲ୍ଲିକ ବିଭିନ୍ନ ବିଦ୍ୟାଳୟରେ ଶିକ୍ଷକତା କରି ଗୌରବ ଅର୍ଜନ କରିଥିବା ବେଳେ ନିକଟ ସରପଦା ବିଦ୍ୟାଳୟ ଠାରୁ ପ୍ରଧାନ ଶିକ୍ଷକ ଭାବେ ଅବସର ଗ୍ରହଣ କରିଥିଲେ । ନିଜ ଜନ୍ମ ମାଟି ଖଡ଼ିସିଙ୍ଗା ଠାରେ ବସବାସ କରୁଥିବା ବେଳେ ବିଭିନ୍ନ ସାମାଜିକ ଓ ଧାର୍ମିକ ଅନୁଷ୍ଠାନ ସହିତ ଦୀର୍ଘ ଦିନ ହେବ ଜଡିତ ଥିଲେ । ବାର୍ଦ୍ଧକ୍ୟ ଜନିତ କାରଣରୁ ସେ ଗତ କିଛିଦିନ ହେବ ଅସୁସ୍ଥ ଥିବା ବେଳେ ଆଵସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲ ନିଆଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ସୂଚନା ଦିଆଯାଇଛି । ଶିକ୍ଷକଙ୍କ ବିୟୋଗରେ ବହୁ ଶିକ୍ଷାବିତ, ବୃଦ୍ଧିଜୀବୀ ଓ ଆଖପାଖ ଅଞ୍ଚଳର ଜନସାଧାରଣ ମାନେ ଶୋକ ପ୍ରକଟ କରିଛନ୍ତି ।