ଅବସର ପ୍ରାପ୍ତ ପ୍ରଧାନ ଶିକ୍ଷକଙ୍କ ଦ୍ବାଦଶାହରେ ଶ୍ରଦ୍ଧାଞ୍ଜଳୀ ସଭା

ଛତ୍ରପୁର, (ଯୁଗାବ୍ଦ ନ୍ୟୁଜ):ଛତ୍ରପୁର ବ୍ଲକ ଅନ୍ତର୍ଗତ ଟାଙ୍ଗଣା ପଲ୍ଲୀ ଅଞ୍ଚଳର ସେବା ନିବୃତ୍ତ ଶିକ୍ଷକ ଓ କର୍ମଚାରୀ ବିକାଶ ମଞ୍ଚର ପୂର୍ବତନ ସଭାପତି ତଥା ଅବସର ପ୍ରାପ୍ତ ପ୍ରଧାନ ଶିକ୍ଷକ ସୋମନାଥ ସାହୁଙ୍କ ମୃତ୍ଯୁର ଦ୍ବାଦଶାହ ଶ୍ରାଦ୍ଧ ଦିବସରେ ଏକ ଶ୍ରଦ୍ଧାଞ୍ଜଳୀ ସଭା ତାଙ୍କର ବାସସ୍ଥାନ ଶୀତଳା ପଲ୍ଲୀ ଠାରେ ଆୟୋଜିତ ହୋଇ ଯାଇଛି।ମଞ୍ଚର ସଭାପତି ପ୍ରକାଶ ଚନ୍ଦ୍ର ପାଣିଗ୍ରାହୀଙ୍କ ସଭାପତିତ୍ବରେ ଅନୁଷ୍ଠିତ ଶ୍ରଦ୍ଧାଞ୍ଜଳୀ ସଭାରେ ଓଡିଶା .ସେବାନିବୃତ୍ତ ଶିକ୍ଷକ ଓ କର୍ମଚାରୀ ବିକାଶ ମଞ୍ଚର ଗଞ୍ଜାମ ଜିଲ୍ଲା ସଭାପତି କାମରାଜୁ ମହାରଣା ଯୋଗଦେଇ ସ୍ବର୍ଗତ ସାହୁଙ୍କ ସରଳତା,ଶିକ୍ଷାଦାନରେ ନିଷ୍ଠାପରତା ତଥା ଅବସର ପ୍ରାପ ମଞ୍ଚ ଗଠନରେ ତାଙ୍କର ଭୂମିକା ଉପରେ ଆଲୋଚନା କରି ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ ।ଅନ୍ଯ ମାନଙ୍କ ମଧ୍ଯରେ ମଞ୍ଚର ପୂର୍ବତନ ସଭାପତି ତଥା ଅବସର ପ୍ରାପ୍ତ ପ୍ରଧାନ ଶିକ୍ଷକ ମାଧବ ବିଷୋୟି,ଦିବାକର ପଟ୍ଟନାୟକ,ସଂପାଦକ ପତିତପାବନ ବିଷୋୟି ଗ୍ରାମ କମିଟୀ ସଭ୍ଯ ରାମନାଥ ପ୍ରଧାନ,ତ୍ରିପତି ପ୍ରଧାନ ପ୍ରମୁଖ ସ୍ବର୍ଗତ ସାହୁଙ୍କ ଗୁଣଗାନ କରି ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ ।ପ୍ରଥମେ ଦିବଂଗତ ଆତ୍ମାର ସଦ୍ଗତି ପାଇଁ ଦୁଇ ମିନଟ ନୀରବ ପ୍ରାଥନା କରାଯାଇ ପୃଷ୍ପାଞ୍ଜଳୀ ଅର୍ପଣ କରାଯାଇଥିଲା।