ଅରିନ୍ଦମଙ୍କ ଅକାଳ ବିୟୋଗରେ ମୋହନା ସାମ୍ଵାଦିକ ସଂଘ ପକ୍ଷରୁ ଗଭୀର ଶ୍ରଦ୍ଧାଜଂଳି

ମୋହନା, (ଅଂଶୁମାନ ପଣ୍ଡା):ସ୍ଥାନୀୟ ସଂସ୍କୃତି ଭବନ ପରିସର ରେ ମୋହନା ସାମ୍ବାଦିକ ସଂଘ ପକ୍ଷରୁ “ଓ” ଟିଭିର ବରିଷ୍ଠ ସାମ୍ବାଦିକ ଅରିନ୍ଦମ ଦାସଙ୍କ ଅକାଳ ବିୟୋଗରେ ଏକ ଶୋକସଭା ଅନୁଷ୍ଠିତ ହୋଇଯାଇଛି। ଶୁକ୍ରବାର ମୁଣ୍ଡଳୀଠାରେ ଓଡ୍ରାଫ ଟିମ ସହ ଗ୍ରାଭଣ୍ଡ ଜିରୋରୁ ହାତୀ ଉଦ୍ଧାର ଖବର ସଂଗ୍ରହ ବେଳେ ହଠାତ ଭାରସାମ୍ୟ ହରାଇ ବୋଟ ବୁଡିଯିବା ଫଳରେ ସାମ୍ବାଦିକ ଅରିନ୍ଦମ ଦାସଙ୍କ ମୃତ୍ୟୁ ହୋଇଥିଲା। ମୋହନା ସାମ୍ବାଦିକ ସଂଘ ସଭାପତି ପଞ୍ଚାନନ ଦାଶଙ୍କ ସଭାପତିତ୍ଵରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରଥମେ ଦିବଙ୍ଗତ ସାମ୍ବାଦିକ ଅରିନ୍ଦମଙ୍କ ଅମର ଆତ୍ମାର ସଦଗତି ପାଇଁ ଦୁଇ ମିନଟ ନୀରବ ପ୍ରାର୍ଥନା କରାଯାଇଥିଲା। ଏହି ଅବସରରେ ସ୍ଵର୍ଗତ ଅରିନ୍ଦମ ଦାସ ଜଣେ ନିର୍ଭିକ,କର୍ମଠ , ଦାୟିତ୍ୱବାନ ସାମ୍ବାଦିକ ଭାବେ ପରିଚିତ ଥିଲେ । ସେ ବନ୍ୟା କିମ୍ବା ବାତ୍ୟା ବେଳେ ହେଉ କିମ୍ଵା ମାଓବାଦୀ ଘଟଣା ସଂପର୍କିତ ଖବର ଗୁଡ଼ିକ ଗ୍ରାଭଣ୍ଡ ଜିରୋକୁ ଯାଇ ଲାଇଭ କଭରେଜ କରୁଥିଲେ ବୋଲି ସାମ୍ବାଦିକ ଶ୍ରୀ ଦାଶ କହିଥିଲେ। ସେ କମ ବୟସରେ ରାଜ୍ୟରେ ବେଶ ନାଁ କମାଇ ପାରିଥିଲେ । ତେବେ କିଏ ଜାଣିଥିଲା ଶୁକ୍ରବାର ତାଙ୍କର ଖବର ସଂଗ୍ରହର ଶେଷ ଦିନ ହେବ ବୋଲି କହିଥିଲେ “ଓ” ଟିଭିର ସାମ୍ବାଦିକ ମିହିର ଜତି। ସେହିପରି ଅନ୍ୟମାନଙ୍କ ମଧ୍ୟରେ ସାମ୍ବାଦିକ ଅଂଶୁମାନ ପଣ୍ଡା, ସୁହାନ ଛିଞ୍ଚାଣୀ, ମନ୍ମଥ ମିଶ୍ର, ମାଣିକ ଯେନା, ଯୋଗେନ୍ଦ୍ର ରଥ, ମୋଜେସ ରଇତ, ଲକ୍ଷ୍ମୀନାରାୟଣ ଆଟାର୍ଯ୍ଯ, ବିରେନ୍ଦ୍ର ନାୟକ, ସ୍ଵେଚ୍ଛାସେବୀ ସୁଧୀର ପାଇକ,ମନୋଜ ସାହୁ ଉପସ୍ଥିତ ରହି ପରିବାର ବର୍ଗଙ୍କ ପ୍ରତି ସମବେଦନା ଓ ଶ୍ରଦ୍ଧାଜଂଳି ଜ୍ଞାପନ କରିଥିଲେ । ଶେଷରେ ସାମ୍ବାଦିକ ଶ୍ରୀ ପଣ୍ଡା ଧନ୍ୟବାଦ ଅର୍ପଣ କରିଥିଲେ ll