ଅଷ୍ଟମ ଚେୟାରମ୍ୟାନ୍ ଫୁଟବଲ ଟୁର୍ଣ୍ଣାମେଣ୍ଟ ଉଦ୍ଯାପିତ
କନ୍ଧମାଳ,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ଖଜୁରୀପଡା ହାଇସ୍କୁଲ ପଡ଼ିଆ ଠାରେ ଚାଲିଥିବା ଅଷ୍ଟମ ଚେୟାରମ୍ୟାନ୍ ଫୁଟବଲ୍ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏଥିରେ ମୋଟ ୮ଟି ଦଳ ଭାଗନେଇଥିବା ବେଳେ ଫାଇନାଲ୍ ମ୍ୟାଚ୍ ବୁଢାଦାନି ଓ ଟିଟ୍ରାପଙ୍ଗା ମଧ୍ୟରେ ଅନୁଷ୍ଠିତ ହୋଇଥିଲା । ବୁଢାଦାନି ଦଳ ୪-୩ ପେନାଲଟି ଗୋଲ ଦେଇ ବିଜୟ ଲାଭ କରି ପୁରସ୍କୃତ ହୋଇଥିଲେ । ଏହି ଟୁର୍ଣ୍ଣାମେଣ୍ଟ ପୂର୍ବରୁ ନବରଙ୍ଗପୁର ଓ କନ୍ଧମାଳ ମହିଳା ଦଳ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଅନୁଷ୍ଠିତ ହୋଇଥିଲା ଓ ଏଥିରେ କନ୍ଧମାଳ ମହିଳା ଦଳ ୧-୦ ଗୋଲରେ ବିଜୟ ଲାଭ କରିଥିଲା।ଟୁର୍ଣ୍ଣାମେଣ୍ଟର ପୁରସ୍କାର ବିତରଣ ଉତ୍ସବରେ ଫୁଲବାଣୀ ବିଧାୟକ ଅଙ୍ଗଦ କହଁର , ବାଲିଗୁଡ଼ା ବିଧାୟକ ଚକ୍ରମଣି କହଁର , ଖଜୁରିପଡ଼ା ବ୍ଳକ ଅଧ୍ୟକ୍ଷ ବୀରେନ୍ଦ୍ର କହଁର , ଚକାପାଦ ବ୍ଳକ ଅଧ୍ୟକ୍ଷ ପ୍ରଭଞ୍ଜନ କହଁର, ଖଜୁରିପଡ଼ା ବିଡ଼ିଓ ରବୀନ୍ଦ୍ରନାଥ କହଁର, ଜିଲା ବିଜେଡ଼ି ଛାତ୍ର ସଭାପତି ସୁନିଲ୍ ସେଠୀ, ପୂର୍ବତନ ସ୍ୱତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ରଦନ ମଲିକ, ଜିଲା ପରିଷଦ ସଭ୍ୟା ଜୁଲିଲତା ଲେଙ୍କା, ସରପଞ୍ଚ ମିତା ମଲିକ, ସମିତିସଭ୍ୟା ଗୀତାଞ୍ଜଳୀ ସାହୁ ଓ ରାଜ୍ୟ ବିଜେଡ଼ି ମାଇନରଟି ସେଲ୍ର ସଂପାଦକ ୟାସିନ୍ ବେଗ୍ , ଚକାପାଦ ବ୍ଳକ ବିଜେଡ଼ି ସଭାପତି ରାଜେଶ ଦିଗାଲ ପ୍ରମୁଖ ଯୋଗଦେଇଥିଲେ।ଖଜୁରିପଡ଼ା ସ୍ଥିିତ ନେତାଜି ଯୁବକ ସଂଘର ତତ୍ୱାବଧାନରେ ଅନୁଷ୍ଠିତ ହୋଇଥିବା ବେଳେ ରେଫେରୀ ଭାବେ ଶଙ୍କର ବେହେରା, ସ୍ୱରାଜ ମୁନୀ, ସୁନିଲ୍ ବେହେରା, ଶ୍ୟାମ ସୁନ୍ଦର ସାହା, ଫୁଟବଲ ଖେଳାଳି ବିଶ୍ୱବିହାରୀ ବିଶୋୟୀ, କାଜଲ ବେହେରା ପ୍ରମୁଖଙ୍କ ସମେତ ମହିଳାଦଳର କୋଚ୍ ମ୍ୟାଚ୍ ପରିଚାଳନା କରିଥିଲେ। ଏହି ଅବସରରେ କନ୍ଧମାଳ ମହିଳା ଦଳର ଖେଳାଳି ପ୍ରିୟ ଦର୍ଶନୀ ପ୍ରଧାନଙ୍କୁ ମାନ୍ ଅଫ୍ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିଲା। ଯୁବକ ସଂଘର ଅନୀଲ୍ ବେହେରା, ଅଞ୍ଜନ ବେହେରା, ରାମକୃଷ୍ଣ ପଣ୍ଡା, ସଞ୍ଜୟ ବେହେରା, ପରିଡ଼ା ମୁଖୀ ଓ ଅନ୍ୟମାନେ ସହଯୋଗ କରିଥିଲେ।
