ଆଞ୍ଚଳିକ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ ମେରୀ ମାଟି ମେରା ଦେଶ୍ କାର୍ଯ୍ୟକ୍ରମ

ବେଲଗୁଣ୍ଠା, (ସନ୍ତୋଷ ବିଶୋଇ):ବେଲଗୁଣ୍ଠା ବ୍ଲକ ଅନ୍ତର୍ଗତ କ୍ଷତ୍ରୀୟବରପୁର ସ୍ଥିତ ଆଞ୍ଚଳିକ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ ମେରୀ ମାଟି ମେରା ଦେଶ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଅନୁଷ୍ଠାନ ଅଧ୍ୟକ୍ଷ ବିଷ୍ଣୁ ପ୍ରସାଦ ପଟ୍ଟନାୟକଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଯୁବ ରେଡକ୍ରସ୍ , ଜାତୀୟ ସେବା ଯୋଜନା, ସ୍କାଉଟ ଗାଇଡ୍ ଶାଖାର ଉପଦେଷ୍ଟା , ଯୋଜନା ଅଧିକାରୀ, ରୋଭର ଏବଂ ରେଞ୍ଜର ଲିଡର ଯଥାକ୍ରମେ ସୁଶାନ୍ତ କୁମାର ଲେଙ୍କା , ଦୀପୁ ଭୂୟାଁ , ପି ଦୀପକ ରାଓ, ଏବଂ ସ୍ନିଗ୍ଧାରାଣୀ ଗୌଡ଼ ପ୍ରମୁଖଙ୍କ ନେତୃତ୍ୱରେ ସମସ୍ତ ଶାଖାର ସ୍ୱେଚ୍ଛାସେବୀମାନେ ଗାନ୍ଧୀଜୀଙ୍କ ବାର୍ତ୍ତା ସମ୍ବଳିତ ପ୍ଲାକ୍ କାର୍ଡ ଓ ପୋଷ୍ଟର ଧରି ବିଦ୍ୟାଳୟର ମୁଖ୍ୟ ଫାଟକରୁ ଏକ ବିଶାଳ ରାଲିରେ ଯାଇ ଗୋବରା ଗାନ୍ଧୀ ପ୍ରତିମୂର୍ତ୍ତି ଠାରେ ପହଞ୍ଚି, ସେଠାରେ ଗାନ୍ଧୀଜୀଙ୍କୁ ପୁଷ୍ପ ମାଲ୍ୟାର୍ପଣ କରିଥିଲେ । ଏହା ସହିତ “ସ୍ବଚ୍ଛତା ହିଁ ସେବା” ପାଇଁ ସ୍ଵେଚ୍ଛାସେବୀମାନେ ବିଦ୍ୟାଳୟ ପରିସରରେ ଶ୍ରମଦାନ କରିବା ସହ” ସ୍ବଚ୍ଛତା” ପାଇଁ ଶପଥ ନେଇଥିଲେ ।ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର ପ୍ରାଧ୍ୟାପକ କୁମୁଦ ଚନ୍ଦ୍ର ମହାପାତ୍ର , ଦେବେଶ ଚନ୍ଦ୍ର ମହାପାତ୍ର, ମହେଶ୍ୱର ରାଉତ , ସ୍ୱରୂପା ରାଣୀ ବିଶ୍ଵାଳ , ରମେଶ ଚନ୍ଦ୍ର ବିଷୋୟୀ , ପଦ୍ମ ଚରଣ ନାୟକ , ବଳରାମ ଗୌଡ଼ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।