ଆଦିତ୍ୟ ବାହିନୀର ଭଗବତ ଜନ୍ମ ଜୟନ୍ତୀ ପାଳିତ
ବ୍ରହ୍ମପୁର , (ଯୁଗାବ୍ଦ ନ୍ୟୁଜ) : ଶନିବାର ବ୍ରହ୍ମପୁରସ୍ଥିତ ଝାଡାକୁଲି ଗ୍ରାମର ଭଗବତ ଟୁଙ୍ଗୀ ପରିସରରେ ସ୍ଥାନୀୟ ଆଦିତ୍ୟ ବାହିନୀ ଶାଖା ଦ୍ୱାରା ଭକ୍ତି ଭାବ ପୁର୍ଣ୍ଣ ଭରା ଭାଗବତ ଜନ୍ମ ଜୟନ୍ତୀ ଉତ୍ସବ ପାଳିତ ହୋଇଯାଇଛି । ଏହି ଅବସରରେ ପ୍ରାତଃ ଆଳତୀ, ଘୃତ ଯଜ୍ଞ, ପୂଜାର୍ଚ୍ଚନା, ଭଜନ କୀର୍ତ୍ତନ ସହ ପରାୟଣ ଓ ପ୍ରବଚନ ଆଦି କାର୍ଯ୍ୟକ୍ରମ ଅନୁଷ୍ଠାନର ସଭାପତି ଜଗୁ ସାହୁଙ୍କ ତତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଶ୍ରୀ ଉତ୍ସବ ଦାସ ମହାରାଜ ଯୋଗଦେଇ ମାର୍ଗଦର୍ଶନ କରାଇବା ସହ ସଂକୀର୍ତ୍ତନ ମଣ୍ଡଳୀ ଦ୍ୱାରା ସଂକିର୍ତ୍ତନ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମରେ ଆଦିତ୍ୟ ବାହିନୀର ଜିଲ୍ଲା ସଂପାଦକ ଉମା ଶଙ୍କର ପାଣି, ପୂର୍ବତନ ସଂପାଦକ ଅଖିଳ କୁମାର ସାବତ , କାର୍ତ୍ତୀକ ସାହୁ, କାମା ସାହୁ, ବିଜୟ ସାହୁ, ସୁରୀ ସାହୁ, ପିତାମ୍ବର ସାହୁ ପ୍ରମୁଖ ଯୋଗଦେଇଥିଲେ ।
