ଆନନ୍ଦମାର୍ଗ ବିଦ୍ୟାଳୟ ନୂତନ ଗୃହ ଶିଳାନ୍ୟାସ

ବାଲେଶ୍ୱର, (ସରୋଜ ପଣ୍ଡା) :-ଆନନ୍ଦ ମାର୍ଗର ପ୍ରତିଷ୍ଠାତା ଆନନ୍ଦ ମୂର୍ତ୍ତିଜୀଙ୍କ ଜନ୍ମ ଶତବାର୍ଷିକୀ ଉଦଯାପନ ଅବସରରେ ଆକିନିଆ ସ୍ଥିତ ଆନନ୍ଦମାର୍ଗ ବିଦ୍ୟାଳୟ ପରିସରରେ ଜନ୍ମ ଶତବାର୍ଷିକୀ ସ୍ମାରକୀ ଗୃହର ଶିଳାନ୍ୟାସ କରାଯଇଛି । ଆନନ୍ଦ ମାର୍ଗ ପ୍ରଚାରକ ସଂଘ ସଭାପତି ଆଚାର୍ଯ୍ୟ ଭବେଶାନନ୍ଦ ଅବଧୂତ, ବାଲେଶ୍ୱର ଲାୟନ୍ସ ସ୍ୟାଣ୍ଡସିଟି କ୍ଲବ ପୂର୍ବତନ ସଭାପତି ଧର୍ମେନ୍ଦ୍ର ପ୍ରସାଦ ମୋର ପ୍ରମୁଖ ବରେଣ୍ୟ ଅତିଥି ଭାବେ ଯୋଗଦେଇ ସ୍ମାରକୀ ଗୃହର ଶିଳାନ୍ୟାସ କରିଥିଲେ । ଆଗାମୀ ଦିନରେ ଗ୍ରାମାଞ୍ଚଳର ଛାତ୍ରଛାତ୍ରୀଙ୍କ ପ୍ରତିଭାର ବିକାଶ ପାଇଁ ଏହି ପରିସରରେ ଏକ ପାଠାଗାର, କମ୍ପ୍ୟୁଟର ପ୍ରଶିକ୍ଷଣ କେନ୍ଦ୍ର ପ୍ରତିଷ୍ଠା କରାଯିବା ସମ୍ପର୍କରେ ଶିକ୍ଷାବିତ ପରୀକ୍ଷିତ ଜେନା ସୂଚନା ଦେଇଥିଲେ । ଶିକ୍ଷା ସାଙ୍ଗକୁ ଉତ୍ତମ ଚରିତ୍ର ଗଠନ ଉପରେ ଅତିଥିମାନେ ଗୁରୁତ୍ୱାରୋପ କରିଥିଲେ । ଅନ୍ୟମାନଙ୍କ ମଧ୍ୟରେ ବବିତା ମୋର, ଚୌଧୁରୀ ଶରତ କୁମାର ଦାସ, ତରୁଲତା ଜେଚନା, ଆଚାର୍ଯ୍ୟ ମହୀଦେବାନନ୍ଦ, ଇଂ. ନବକୁମାର ମଲିକ, ଗୟାଧର ବେହେରା, ଭୂପେନ୍ଦ୍ର କୁମାର, ହରପ୍ରିୟା ଜେନା, ହରିଶ୍ଚନ୍ଦ୍ର ସାହାଣୀ ପ୍ରମୁଖ ଏହି ଶିଳାନ୍ୟାସ ପର୍ବରେ ଉପସ୍ଥିତ ଥିଲେ ।