ଆମ୍ବେଦକରଙ୍କ ୧୩୨ତମ ଜୟନ୍ତୀ ପାଳିତ

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :ଭଣ୍ଡାରିପୋଖରୀ ବିଜେପି ପକ୍ଷରୁ ଯୁବନେତା ତରଣୀସେନ ଯେନାଙ୍କ ସଭାପତିତ୍ୱରେ ଦକ୍ଷିଣବାଡ଼ ପଂଚାୟତ ମା ନେଙ୍କୁଡ଼ିଶୁଣୀ ଠାରେ ବାବା ସାହେବ ଆମ୍ବେଦକର ଙ୍କ ୧୩୨ତମ ଜୟନ୍ତୀ ପାଳିତ ହୋଇଯାଇଛି। ଏଥିରେ ରାଜ୍ୟ ବିଜେପି ସମ୍ପାଦକ ଅଭିମନ୍ୟୁ ସେଠୀ ଓ ନିର୍ବାଚନମଣ୍ଡଳୀ ବିଜେପି ନେତା ବଦ୍ରୀ ନାରାୟଣ ଧଳ ଯୋଗ ଦେଇ ଡ଼ ଆମ୍ବେଦକରଙ୍କ ଜୀବନାଦର୍ଶ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ। ଏହି ଅବସରରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୬ଜଣ ଦଳିତ ପ୍ରତିଭା ରବିନ୍ଦ୍ର ଯେନା, ଶରତ ପଲେଇ, ଉମାକାନ୍ତ ଯେନା, ନାଣ୍ଡୁ ମୁଣ୍ଡା, ଭାବ ମୁଣ୍ଡା, ଉମାକାନ୍ତ ଯେନା(ଖ)ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏହି କାର୍ଯ୍ୟକ୍ରମକୁ ଦେବାଶିଷ ପରିଡା, ସୁଶାନ୍ତ ମହାପାତ୍ର, କରୁଣାକର ସାହୁ, ମଦନ ସାହୁ, ପ୍ରେମାନନ୍ଦ ନାୟକ, ଶିବାନନ୍ଦ ସାହୁ ପ୍ରମୁଖ ପରିଚାଳନା କରିଥିଲେ ।