ଆର୍ଯ୍ୟଭଟ୍ଟ ଗଣିତ ପ୍ରତିଭା ଅନ୍ୱେଷଣ ପରୀକ୍ଷାରେ ଛାତ୍ରୀଙ୍କ କୃତୀତ୍ୱ
ବନ୍ତ, (ଚାନ୍ଦିନୀ ମହାନ୍ତି) : ବନ୍ତ ବ୍ଲକ ବସନ୍ତିଆ ପଞ୍ଚାୟତ ଆପଣ୍ଡା ନୋଡାଲ ଉପ୍ରା ବିଦ୍ୟାଳୟର ୬ଷ୍ଠ ଶ୍ରେଣୀର ଛାତ୍ରୀ ଏମ୍.ଏମ୍.ପ୍ରତ୍ୟାଶା ଆର୍ଯ୍ୟଭଟ୍ଟ ଗଣିତ ପ୍ରତିଭା ଅନ୍ୱେଷଣ ପରୀକ୍ଷାରେ ପ୍ରଥମ ସ୍ଥାନ ହାସଲ କରି ବ୍ଲକ ପାଇଁ ଗୌରବ ଆଣିଛନ୍ତି । ପ୍ରତ୍ୟାଶାଙ୍କୁ ପ୍ରମାଣପତ୍ର ସହ ମେଡାଲ ପ୍ରଦାନ କରାଯାଇଛି । ଆର୍ଯ୍ୟଭଟ୍ଟ ଗଣିତ ପ୍ରତିଭା ଅନ୍ୱେଷଣ ପ୍ରତିଷ୍ଠାନ, ଭୁବନେଶ୍ୱର ପକ୍ଷରୁ ଗତ ୨୦୨୨ ମସିହା ଅକ୍ଟୋବର ମାସରେ ଏହି ପରୀକ୍ଷା ଅନୁଷ୍ଠିତ ହୋଇଥିଲା । ସେତେବେଳେ ପ୍ରତ୍ୟାଶା ରାମପୁରସ୍ଥିତ ରାମ ନାରାୟଣ ଉପ୍ରା ବିଦ୍ୟାଳୟରେ ୫ ଶ୍ରେଣୀରେ ଅଧ୍ୟୟନ କରୁଥିଲେ । ସେ ବରକୋଣା ଗ୍ରାମର ମାର୍କଣ୍ଡ ବେହେରା ଓ ମମତା ବେହେରାଙ୍କ କନ୍ୟା ଅଟନ୍ତି । ତାଙ୍କର ଏହି ସଫଳତା ପାଇଁ ସେ ପିତାମାତା ଓ ବିଦ୍ୟାଳୟ ଶିକ୍ଷକ, ଶିକ୍ଷୟତ୍ରୀଙ୍କୁ ଶ୍ରେୟ ଦେଇଛନ୍ତି ।
