ଆସନ୍ତାକାଲି ଯାଜପୁର ଜିଲ୍ଲାର ୪ଟି ନିର୍ବାଚନ ମଣ୍ଡଳୀର ୯ଟି ବୁଥରେ ସାନି ମତଦାନ

ଯାଜପୁର; ଆସନ୍ତାକାଲି ଯାଜପୁର ଜିଲାର ୪ଟି ନିର୍ବାଚନ ମଣ୍ଡଳୀର ୯ଟି ବୁଥରେ ସାନି ମତଦାନ ଅନୁଷ୍ଠିତ ହେବ । ଏଥିପାଇଁ ଆଜି ସମସ୍ତ ବୁଥକୁ ପୁଲିଂ ପାର୍ଟି ଯାଇସାରିଛନ୍ତି । ଗତ ୨୯ ତାରିଖ ଦିନ ନିର୍ବାଚନ ସମୟରେ ଏହି ବୁଥ ଗୁଡିକରେ ଜବରଦଖଲ ଓ ଗଣ୍ଡଗୋଳ ହୋଇଥିବା ଅଭିଯୋଗ ହୋଇଥିଲା । ଏହାପରେ ରାଜ୍ୟ ନିର୍ବାଚନ କମିଶନ ସିସି ଟିଭି ୱେବ କାଷ୍ଟିଂ ଏବଂ ପ୍ରଜାଡିଂ ଅଫିସରଙ୍କ ଡାଏରି କୁ ଆଧାର କରି ୯ଟି ବୁଥରେ ସାନି ମତଦାନ କରିବାକୁ ନିର୍ଦ୍ଧେଶ ଦେଇଥିଲେ । ଏଥିପାଇଁ ପ୍ରତ୍ୟେକ ପ୍ରାର୍ଥୀ ମଧ୍ୟ ସେମାନଙ୍କ ପ୍ରଚାର ସାରିଛନ୍ତି । ବରୀ ନିର୍ବାଚନ ମଣ୍ଡଳୀରେ ୫ଟି, ବିଂଝାରପୁର ନିର୍ବାଚନ ମଣ୍ଡଳୀର ଦୁଇଟି,ସୁକିନ୍ଦା ଏବଂ ଧର୍ମଶାଳା ନିର୍ବାଚନ ମଣ୍ଡଳୀରେ ଗୋଟିଏ ଲେଖାଏଁ ଏହି ସାନି ମତଦାନ ଅନୁଷ୍ଠିତ ହେବ । ଏଥିପାଇଁ ଉକ୍ତ ବୁଥ ଅଂଚଳରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଉତେଜନାପ୍ରବଣ ବୁଥ ଅଂଚଳରେ ପୋଲିସ ପକ୍ଷରୁ ପ୍ଲାଂଗ ମାର୍ଚ କରାଯାଇଛି । ଆସନ୍ତାକାଲି ନିର୍ବାଚନ ସମୟରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ବୋଲି ଯାଜପୁର ଜିଲାପାଳ ସୂଚନା ଦେଇଛନ୍ତି ।