ଇଂରାଜୀ ନୂତନ ବର୍ଷ ପାଳିତ

ଭଣ୍ଡାରିପୋଖରୀ, (ଦୁର୍ଯୋଧନ ଲେଙ୍କା) :ଭଣ୍ଡାରିପୋଖରୀ ସ୍ଥିତ ପ୍ରଜାପିତା ଇଶ୍ଵରୀୟ ବିଶ୍ଵବିଦ୍ୟାଳୟ ଆଶ୍ରମ ଠାରେ ଆଜି ବୈଦିକ ରୀତିରେ ଇଂରାଜୀ ନବବର୍ଷ ପାଳିତ ହୋଇଯାଇଛି । ଆଶ୍ରମ ସଞ୍ଚାଳିକା ଵ୍ରହ୍ମକୁମାରୀ ସରସ୍ଵତୀଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥି ଭାବେ ବ୍ଲକ ଉପାଧ୍ୟକ୍ଷ ସତ୍ୟବ୍ରତ ଦାସ, ବରିଷ୍ଠ ଶିକ୍ଷକ ଅମର ପାଣିଗ୍ରାହୀ, ଯାତ୍ରା ଅଭିନେତ୍ରୀ ଲତା ପଣ୍ଡା, ଖବରଦାତା ଦୁର୍ଯୋଧନ ଲେଙ୍କା, ସାମାଜିକ କର୍ମୀ ଅଶୋକ ଜେନା ପ୍ରମୁଖ ଯୋଗଦେଇ ଆତ୍ମା ପରମାତ୍ମା ସମ୍ପର୍କ ବିଷୟରେ ବକ୍ତବ୍ୟ ପ୍ରଦାନ କରିଥିଲେ ।ନିଜର ପରିବର୍ତ୍ତନ ହୋଇପାରିଲେ ବିଶ୍ଵ ପରିବର୍ତ୍ତନ ସମ୍ଭବ ହେବ ବୋଲି ଏହି ଅବସରରେ ଅତିଥି ମାନେ ମତପ୍ରକାଶ କରିଥିଲେ । ଏହାଛଡ଼ା ନୂତନ ବର୍ଷ ଉପଲକ୍ଷେ ପରଷ୍ପର ଶୁଭେଚ୍ଛା ଜଣାଇ ପ୍ରଦୀପ ପ୍ରଜ୍ୱଳନ ପୂର୍ବକ ଅତିଥି ମାନଙ୍କ ଦ୍ଵାରା ପ୍ରସାଦ ରୂପେ କେକ କଟାଯାଇଥିଲା । ଏଥିରେ ଆଖପାଖ ଅଞ୍ଚଳର ଶିବ ବାବାଙ୍କ ଅନୁଗତ ଅନେକ ଶ୍ରଦ୍ଧାଳୁ ଯୋଗଦେଇଥିଲେ । କାର୍ଯ୍ୟକ୍ରମକୁ ବ୍ରହ୍ମକୁମାର ବିଜୟ, କିଶୋର, ଶୁଭାଶିଷ, କାର୍ତ୍ତିକ, ନିରଞ୍ଜନଙ୍କ ସମେତ ଵ୍ରହ୍ମକୁମାରୀ ଶାନ୍ତି, ଝୁନୁରାଣୀ ପ୍ରମୁଖ ପରିଚାଳନା କରିଥିଲେ ।