ଇଣ୍ଟରଭିୟୁ ଦେବାକୁ ଯାଇ ଯୁବକ ନିଖୋଜ,ଥାନାରେ ଏତଲା

ଚିକିଟି, (କୁରେସୁ ସାହୁ):କେ ନୁଆଗାଁ ଥାନା ଅଧିନସ୍ଥ ଚିକିଟି ପେଣ୍ଠ ଗ୍ରାମର ଜଣେ ଯୁବକ ଦୁଇ ଦିନ ହେବ ନିଖୋଜ ନେଇ କେ ନୁଆଗାଁ ଥାନା ରେ ଏତଲା ଦେଇଛନ୍ତି ଯୁବକ ର ବାପା। ନିଖୋଜ ଯୁବକ ଜଣକ ହେଉଛନ୍ତି ଗ୍ରାମର ନରସିଂହ ସାହୁ ଙ୍କ ପୁଅ ଟିଟୁ ସାହୁ (୩୫) ବୋଲି ଜଣାପଡିଛି। ଗତ ୧୦ ତାରିଖରେ ଟିଟୁ ଇଣ୍ଟରଭିୟୁ ଦେବାକୁ ଯିବି କହି ଘରୁ ବାହାରି ଥିଲା। ହେଲେ ସନ୍ଧ୍ୟା ସୁଦ୍ଧା ଘରକୁ ଆଉ ଫେରିନଥିଲା।ସାଙ୍ଗ ସାଥି ତଥା ନିକଟ ସମ୍ପର୍କୀୟଙ୍କୁ ପଚାରା ଉଚରା ପରେ କୈାଣସି ସନ୍ଧାନ ନ ମିଳିବାରୁ ୧୨ ତାରିଖ ଶୁକ୍ରବାର ଦିନ ତାଙ୍କ ବାପା ନରସିଂହ ସାହୁ ପୁଅ ନିଖୋଜ ଥିବା ନେଇ କେ ନୁଆଗାଁ ଥାନା ରେ ଏକ ଅଭିଯୋଗ ଦେଇଛନ୍ତି।ସେ ଗଲା ବେଳେ ଏକ କଳା ରଙ୍ଗର ଫୁଲ୍ ପ୍ୟାଣ୍ଟ୍ ଓ ହଳଦିଆ ରଙ୍ଗର ଫୁଲ୍ ସାର୍ଟ ପିନ୍ଧିଥିବା ଯାଇଛନ୍ତି। ସୁଚନା ଥାଉକି ପୁର୍ବରୁ ତାଙ୍କ ମୁଣ୍ଡକୁ କୈାଣସି କାରଣରୁ ଆଘାତ ଲାଗିବା ଯୋଗୁଁ ବେଳେ ବେଳେ ମାନସିକ ବିକୃତି ବାହାରୁ ଥିବା ନେଇ ତାଙ୍କ ବାପା ଏତଲା ରେ ଉଲ୍ଲେଖ କରିଛନ୍ତି। ତାଙ୍କ ପୁଅ ର ଅନୁସନ୍ଧାନ କରିବାକୁ ସେ ପୋଲିସ କୁ ନିବେଦନ କରିଛନ୍ତି।