ଇଣ୍ଡିକା ଧକ୍କାରେ ଅବସରପ୍ରାପ୍ତ ଶିକ୍ଷକଙ୍କ ମୃତ୍ୟୁ
ରାଇରଙ୍ଗପୁର, (ଅକ୍ଷ୍ୟ କୁମାର ବିଶ୍ୱାଳ) :ମୟୃରଭଂଜ ଜିଲ୍ଲାର ବିଶୋଇ ଥାନା ଅନ୍ତର୍ଗତ ଜାତୀୟ ରାଜପଥ ୪୯ ନମ୍ବର ଅସନା ବସ୍ ଷ୍ଟାଣ୍ଡରେ ରବିବାର ୨.୩୦ ପାଖାପାଖି ସମୟରେ ଇଣ୍ଡିକା ଧକ୍କାରେ ଜଣେ ଅବସରପ୍ରାପ୍ତ ଶିକ୍ଷକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ସୂଚନାଯୋଗ୍ୟ ଯେ ବିଶୋଇ ଥାନା ଅନ୍ତର୍ଗତ କୋଇଲିସୂତା ଗ୍ରାମର ଡିସେମ୍ବର ମାସ ଅବସର ନେଇଥିବା ଶିକ୍ଷକ ପୂର୍ଣଚନ୍ଦ୍ର ବେହେରା(୬୧) ନିଜର ଝିଅକୁ ଅସନା ବସଷ୍ଟାଣ୍ଡରେ ବାରିପଦା ଯିବା ପାଇଁ ବସରେ ଚଢାଇ ଫେରୁଥିବା ବେଳେ ହଠାତ୍ ଏକ ଇଣ୍ଡିକା କାର ଆସି ଧକ୍କା ଦେଇ ଦୃତ ଗତିରେ ଯଶିପୁର ଆଡ଼କୁ ଖସି ପଳାଇଥିଲା । ତାଙ୍କୁ ସଙ୍ଗେ ସଙ୍ଗେ ମଣଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା । ସେଠାରେ ଡାକ୍ତର ମୃତ ଘୋଷଣା କରିଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
