ଉଧୃତି ପକ୍ଷରୁ ଶିଶୁ ପ୍ରତିଭା ସମ୍ମାନ ଅନୁଷ୍ଠିତ

ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଉଧୃତି ସାହିତ୍ୟ ସଂସ୍କୃତି ଓ ସାମାଜିକ ଅନୁଷ୍ଠାନ ପକ୍ଷରୁ ସ୍ଥାନୀୟ ୟୁନିଟ-8ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ଶିଶୁଦିବସ ଅବସରରେ ବିଦ୍ୟାର୍ଥୀ ମାନଙ୍କ ମଧ୍ୟରେ ମାନସିକତା ଓ ବୌଦ୍ଧିକ ବିକାଶ ସହିତ ପୂଜ୍ୟପୂଜା ଆଧାରିତ ପ୍ରତିଯୋଗିତା ଆୟୋଜିତ ହୋଇ ଯାଇଛି. ଉକ୍ତ ଶିଶୁ ପ୍ରତିଭା ସମ୍ମାନ ପ୍ରତିଯୋଗିତାରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଶିକ୍ଷାମଣ୍ଡଳାଧୀଶ, ଫୁଲବାଣୀ ଆଚାର୍ଯ୍ୟ ଚୌଧୁରୀ ରାଜେଶ କୁମାର ମହାପାତ୍ର, ସଭାପତି ଭାବେ ଅନୁଷ୍ଠାନ ଅଧ୍ୟକ୍ଷ ସାହିତ୍ୟିକା, ସମାଜସେବୀକା ସରୋଜିନୀ ମିଶ୍ର ଯୋଗ ଦେଇ କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ.ଆଜିର ପିଲାମାନେ ଗୁରୁ, ମହାପୁରୁଷଙ୍କ ପଥ ଅନୁସରଣ କରିବାକୁ ଅତିଥିମାନେ ପରାମର୍ଶ ପ୍ରଦାନ କରିଥିଲେ. ଅନୁଷ୍ଠାନର ସମ୍ପାଦକ ମହେଶ୍ୱର ଘଡେଇ କାର୍ଯ୍ୟକ୍ରମ ପରିଚାଳନା କରିବା ସହିତ ଧନ୍ୟବାଦ ଅର୍ପଣ କରିଥିଲେ ଶ୍ରୀକାନ୍ତ ମିଶ୍ର.ବିଦ୍ୟାଳୟର ଗୁରୁଜୀ, ଗୁରୁମା ପ୍ରମୁଖ ଉପସ୍ଥିତ ରହିବା ସହ ସହଯୋଗ କରିଥିଲେ.