ଉପ ମୁଖ୍ୟମନ୍ତ୍ରୀଙ୍କୁ ବିଭିନ୍ନ ସ୍ଥାନରେ ସ୍ବାଗତ ସମ୍ବର୍ଦ୍ଧନା

ନିମାପଡ଼ା,(ସନ୍ତୋଷ ଦାଶ) ରାଜ୍ୟ ଉପ ମୁଖ୍ୟମନ୍ତ୍ରୀ ଶ୍ରୀ ମତୀ ପ୍ରଭାତୀ ପରିଡ଼ା ଶନିବାର ଦିନ ଐତିହ୍ୟ ପଦଯାତ୍ରା ରେ ନିମାପଡ଼ା ଠାରୁ କାକଟପୁର ଗସ୍ତ କରିଥିଲେ। ବାଟ ରେ ଶ୍ରୀ ମତୀ ପରିଡ଼ା ଙ୍କୁ ବିଭିନ୍ନ ସ୍ଥାନ ରେ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।ଚାରିଛକ , ତୁଳସୀପୁର, ଅମରେଶ୍ୱର, ଆଳୁଦଣ୍ଡା ପାଟଣା,ଯୋଗେଶ୍ୱରପୁର ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର, ସିଙ୍ଘପାନିଆ ଗ୍ରାମ ର ଆରାଧ୍ୟ ଦେବତା ଶ୍ରୀ ଅନନ୍ତ ବାସୁଦେବ ମନ୍ଦିର, ନୟାହାଟ ଉଚ୍ଚ ପ୍ରାଥମିକ ବିଦ୍ୟାଳୟ, ନୟାହାଟ ଉଚ୍ଚ ବିଦ୍ୟାଳୟ ଠାରେ ଶ୍ରୀ ମତୀ ପରିଡ଼ା ଙ୍କୁ ବିଭିନ୍ନ ସ୍କୁଲ ର ଛାତ୍ର ଛାତ୍ରୀ, ମହିଳା ସ୍ୱୟଂ ସହାୟକ ଗୋଷ୍ଠୀ,
ଗ୍ରାମବାସୀ ମାନେ ପୁଷ୍ପଗୁଚ୍ଛ , ଉତ୍ତରୀୟ ଦେଇ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ।ନୟାହାଟ ବିଜେପି ମଣ୍ଡଳ ପକ୍ଷରୁ ମଣ୍ଡଳ ସଭାପତି ଦିନବନ୍ଧୁ ମହାନ୍ତି, ପ୍ରଭାତ କୁମାର ମହାପାତ୍ର, ମାନସ ମହାପାତ୍ର, ମାନସ ସାହୁ ପ୍ରମୁଖ ଶ୍ରୀ ମତୀ ପରିଡ଼ା ଙ୍କୁ ଆଳୁଦଣ୍ଡା ପାଟଣା ଠାରୁ ସ୍ବାଗତ ଜଣାଇ ବାଣ ଫୁଟାଇ ବାଜା ବଜାଇ ପାଣିଛତ୍ର ପର୍ଯ୍ୟନ୍ତ କଢାଇ ନେଇଥିଲେ।ଶ୍ରୀ ମତୀ ପରିଡ଼ା ଙ୍କ ନିଜ ଘର ନୟାହାଟ ନିକଟସ୍ଥ ନିଭରଣ ଗ୍ରାମ ରେ। ତେଣୁ ତାଙ୍କୁ ଦେଖିବାକୁ ନୟାହାଟ ଠାରେ ପ୍ରବଳ ଜନଗହଳି ପରିଲକ୍ଷିତ ହୋଇଥିଲା।