ଏକ ଦ୍ବିବସୀୟ ଫୁଟବଲ ଟର୍ଣ୍ଣାମେଣ୍ଟ ଉଦଯାପିତ

ଖୋର୍ଦ୍ଧା, (ଯୁଗାବ୍ଦ ନ୍ୟୁଜ):ଖୋର୍ଦ୍ଧା ଉପକଣ୍ଠ କେରଙ୍ଗ ଅହମଦୀୟା ମୁସଲିମ ଗ୍ରାମରେ ବୃଦ୍ଧ ସଂଗଠନ ମଜଲିସ ଅନସାରୁଲ୍ଲାଃ କେରଙ୍ଗ ତତ୍ତ୍ବାବଧାନରେ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି ।ଏହି ଟୁର୍ଣ୍ଣାମେଣ୍ଟରେ କେରଙ୍ଗର ୪ଗୋଟି ହଲକା( ଦାରୁସ୍ ସଲାମ,ଦାରୁଲ ବରକାତ,ଦାରୁଲ ଫଜଲ ଏବଂ ଦାରୁଲ ଅନଓ୍ବାର) ଅଂଶ ଗ୍ରହଣ କରିଥିଲା । ପ୍ରଥମ ସେମିଫାଇନାଲ ଦାରୁଲ ଅନଓ୍ବାର ଏବଂ ଦାରୁସ୍ ସଲାମ ମଧ୍ୟରେ ହୋଇଥିଲା । ଏଥିରେ ଦାରୁଲ ଅନଓ୍ବାର ୪-୨ ଗୋଲରେ ବିଜୟୀ ହୋଇଥିଲା । ଦ୍ବିତୀୟ ସେମିଫାଇନାଲ ଦାରୁଲ ବରକାତ ଏବଂ ଦାରୁଲ ଫଜଲ ମଧ୍ୟରେ ହୋଇଥିଲା । ଦାରୁଲ ଫଜଲ ୧-୦ ଗୋଲରେ ବିଜୟୀ ହୋଇଥିଲା । ଫାଇନାଲ ଦାରୁଲ ଫଜଲ ଏବଂ ଦାରୁଲ ଅନଓ୍ବାର ମଧ୍ୟରେ ହୋଇଥିଲା । ଖେଳର ପ୍ରଥମାର୍ଦ୍ଧରେ ଦାରୁଲ ଅନଓ୍ବାର ୨ ଗୋଲରେ ଅଗ୍ରଣୀ ରହିଥିବା ବେଳେ ଖେଳର ଦ୍ବିତୀୟାର୍ଦ୍ଧରେ ଦାରୁଲ ଅନଓ୍ବାର ଆଉ ଏକ ଗୋଲମାରି ଚାମ୍ପିଆନ ହୋଇଛି ।ଏହି ଖେଳରେ ଫଜଲ ଖାଁ ପ୍ଲେଆର ଅଫ ଦି ଟୁର୍ଣ୍ଣାମେଣ୍ଟ ଘୋଷିତ ହୋଇ ସମ୍ମାନୀତ ହୋଇଥିଲେ । ଏହି ଖେଳରେ ମୁଖ୍ୟ ରେଫେରି ଥିଲେ, ସେକ ଗୁଲାମ ସରଓ୍ବର । ତାଙ୍କୁ ଲାଇନରେ ମୁବଶିର ଅହମଦ ଏବଂ ସଖାଓ୍ବତ ଅହମଦ ସାହାଯ୍ୟ କରିଥିବା ବେଳେ ଅମଜାଦ ଖାଁ ମ୍ୟାଚ କମିଶନର ଭାବେ ଦାୟିତ୍ବ ତୁଲାଇ ଥିଲେ ।ଏହି ଖେଳରେ ମୁଖ୍ୟ ଅତିଥି ଭାବେ କେରଙ୍ଗ ଅହମଦୀୟା ମୁସଲିମ ସଂଗଠନର ସଭାପତି ଅମିରୁଦ୍ଦିନ ଖାଁ ଏବଂ ସମ୍ମାନୀତ ଅତିଥି ଭାବେ ମେରାଜ ଅଲ୍ଲି, ମୋଜିବୁଲ ହକ ଏବଂ ଅମଜଦ ଖାଁ ଯୋଗ ଦେଇ ବିଜୟୀ ଦଳକୁ ପୁରସ୍କୃତ କରିଥିଲେ । ଏହି ଟୁର୍ଣ୍ଣାମେଣ୍ଟକୁ ସଗିର ଅହମଦ ଏବଂ ସଗିରୁଦ୍ଦିନ ଖାଁ ପରିଚାଳନା କରିଥିଲେ ।