ଏଲଇଡି ର ସୁସଜ୍ଜିତ ସ୍ୱାଗତ ସାଇନ ବୋର୍ଡ ସମେତ ବିଭିନ୍ନ ପ୍ରକଳ୍ପ ଗୁଡିକର ଶୁଭ ଉଦଘାଟନ କଲେ ବିଧାୟକ

ଛତ୍ରପୁର, (ଯୁଗାବ୍ଦ ନ୍ୟୁଜ):ଗଞ୍ଜାମ ଜିଲ୍ଲା ଛତ୍ରପୁର ସହର କୁ ସୌନ୍ଦର୍ଯ୍ୟକରଣ କରିବା ପାଇଁ ଏନଏସି ପ୍ରଶାସନ ପକ୍ଷରୁ ବହୁ ଉନ୍ନୟନ ମୂଳକ କାର୍ଯ୍ୟ କରାଯାଉଛି । ଏହି ପରିପ୍ରେକ୍ଷୀରେ ସହର କୁ ଆହୁରୀ ଅଧିକ ସୌନ୍ଦଯ୍ୟକରଣ କରିବା ଲକ୍ଷ୍ୟ ନେଇ ବିଭିନ୍ନ ପ୍ରକଳ୍ପ ଗୁଡିକ ହାତକୁ ନିଆଯାଇଛି । କେତକ ପ୍ରକଳ୍ପ ଗୁଡିକର କାମ ଚାଲୁଥିବା ବେଳେ ଆଉ କେତକ ପ୍ରକଳ୍ପ ଗୁଡିକର କାମ ଶେଷ ହୋଇଯାଇଛି । ଏନେଇ ଶନିବାର ଛତ୍ରପୁର ଏନଏସି ପକ୍ଷରୁ ବିଭିନ୍ନ ପ୍ରକଳ୍ପ ଗୁଡିକ ର ଉଦଘାଟନ ହୋଇଯାଇଛି । ଏନଏସି ଅନ୍ତର୍ଗତ ପୁତିଗୋପାଳପୁର ଠାରେ ଏଲଇଡିର ସୁସଜ୍ଜିତ ସ୍ୱାଗତ ସାଇନ ବୋର୍ଡ ଓ ବିଭିନ୍ନ ସୈାଦର୍ଯ୍ୟକରଣ ଏଲଇଡି ଲାଇଟ , ଷ୍ଟେସନ ରୋଡ୍ ଠାରେ ଥିବା ଶୌଚାଳୟର ନବୀକରଣ ଓ ସାଇନ ବୋର୍ଡ ଏବଂ ସ୍ଥାନୀୟ ଷ୍ଟାଡିୟମ ପରିସରରେ ଏକ ଖୋଲା ଜିମ ର ଉଦଘାଟିତ ହୋଇଯାଇଛି । ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା ମୁଖ୍ୟଅତିଥୀ ଭାବେ ଯୋଗଦେଇ ଏହି ପ୍ରକଳ୍ପ ଗୁଡିକର ଶୁଭ ଉଦଘାଟନ କରିଥିଲେ । ଏହି ଉଦଘାଟନୀ ସମାରୋହରେ ଛତ୍ରପୁର ଏନଏସି ଅଧ୍ୟକ୍ଷା ଶର୍ମିଷ୍ଠା ପ୍ରଧାନ, ଉପାଧ୍ୟକ୍ଷ ଜି.ପାପା ରାଓ, ପ୍ରୋବେସନାଲ ଆଇଏଏସ ଅଫିସର ସମୀର କୁମାର ଜେନା, ଡୁଡା ପିଡି ନୀଳମାଧବ ଭୋଇ ଓ ଛତ୍ରପୁର ଏନଏସି କାର୍ଯ୍ୟ ନିର୍ବାହୀ ଅଧିକାରୀ ସମ୍ବିତ ସଂଗ୍ରାମଜିତ ସାହୁ ଙ୍କସମେତ ବହୁ କାଉନସିଲର ଏବଂ ଛତ୍ରପୁର ସହରର ବହୁ ମାନ୍ୟଗଣ୍ୟ ବ୍ୟକ୍ତି ମାନେ ଉପସ୍ଥିତ ଥିଲେ ।