ଐତିହାସିକ ଫକୀର ହରିଚନ୍ଦନଙ୍କ ଜନ୍ମ ଶତବାର୍ଷିକୀ ସମାପନ ଉତ୍ସବ ପାଳିତ

କଣାସ,(ପାହାନ୍ତା ସିଂହ ଅଜଂଳୀ ସାହୁ):କଣାସ ବ୍ଲକ ଅନ୍ତର୍ଗତ ନାନକେରା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଐତିହାସିକ , ସାହିତ୍ୟିକ, ସମାଜସେବୀ, ଜନନେତା, ଶିକ୍ଷକ ସ୍ବର୍ଗତ ଫକୀର ହରିଚନ୍ଦନଙ୍କ ଜନ୍ମ ଶତବାର୍ଷିକୀ ଉତ୍ସବ ଅନୁଷ୍ଠିତ ହୋଇଯାଇଛି। ଓଡ଼ିଶା ସାହିତ୍ୟ ଏକାଡେମୀ, ଫକୀର ହରିଚନ୍ଦନ ଫାଉଣ୍ଡେସନ , ଦୟା ସାହିତ୍ୟ ସଂସଦ ଓ ପୁରାତନ ଛାତ୍ର ସଂସଦ ର ମିଳିତ ସହଯୋଗରେ ଅନୁଷ୍ଠିତ ଉତ୍ସବ ରେ ଅତିଥି ମାନେ ସ୍ୱର୍ଗତ ଫକୀର ହରିଚନ୍ଦନଙ୍କ ବହୁମୁଖି ପ୍ରତିଭା ସଂମ୍ପର୍କ ରେ ବକ୍ତବ୍ୟ ପ୍ରଦାନ କରିଥିଲେ। ଏହି ଅବସରରେ ଏକ ସ୍ମରଣୀକା ଉନ୍ମୋଚନ କରାଯାଇଥିଲା। ଡାକ୍ତର ସୁଦର୍ଶନ ବଳିୟାର ସିଂହ ଙ୍କୁ ସେଵା ସମ୍ମାନ ଓ ବଂଶୀଧର ଜଗଦେବ ଙ୍କୁ ଶିକ୍ଷା ସମ୍ମାନ ରେ ସମ୍ମାନିତ କରାଯାଇଥିଲା। ପୂର୍ବତନ ସତ୍ୟବାଦୀ ବିଧାୟକ ତଥା ଗୃହମନ୍ତ୍ରୀ ପ୍ରସାଦ ହରିଚନ୍ଦନ, ସମାଜସେବୀ ପ୍ରଦୀପ ହରିଚନ୍ଦନ , ଡଃ ହେମନ୍ତ ଛୋଟରାୟ,ପ୍ରଧାନ ଶିକ୍ଷୟିତ୍ରୀ ସତ୍ୟଭାମା ସୁନ୍ଦରାୟ, ଶିକ୍ଷକ ନେତା ସୁଶାନ୍ତ ନରେନ୍ଦ୍ର, ସାହିତ୍ୟିକ କୃପାସିନ୍ଧୁ ବିଶ୍ଵାଳ ପ୍ରମୁଖ ସ୍ମୃତି ଚାରଣ କରିଥିଲେ। ସରୋଜିନୀ ଜେନା ଓ ଅଜୟ ବଳିୟାର ସିଂହଙ୍କ ସଂଯୋଜନା ରେ କବିତା ପାଠ ଉତ୍ସବ ଅନୁଷ୍ଠିତ ହୋଇଥିଲା। ସୁଶାନ୍ତ କୁମାର ନରେନ୍ଦ୍ର ସଭା ପରିଚାଳନା କରିଥିବା ବେଳେ ଡଃ ହେମନ୍ତ କୁମାର ଛୋଟରାୟ ଅତିଥି ପରିଚୟ ପ୍ରଦାନ କରିଥିଲେ। ରଶ୍ମିରେଣୁ ହରିଚନ୍ଦନ ଧନ୍ୟବାଦ ଅର୍ପଣ କରିଥିଲେ।