ଓଡ଼ିଶା ପ୍ରଶାସନିକ ସେବାରେ ରାୟଗଡ଼ା ଜିଲ୍ଲାର ୯କୃତକାର୍ଯ୍ୟ
ରାୟଗଡ଼ା,(ଦୁର୍ଗା ପ୍ରସାଦ ପାଢ଼ୀ):ଓଡ଼ିଶା ପ୍ରଶାସନିକ ସେବାରେ ରାୟଗଡ଼ା ଜିଲାରୁ ୫ ଜଣ କୃତକାର୍ଯ୍ୟ ହୋଇଥିବା ଜଣାପଡ଼ିଛି । ସେମାନେ ହେଲେ ଦୀପାରାଣୀ ବେହେରା, ପଙ୍କଜ କୁମାର ମାଝି, ଲକ୍ଷେଶ୍ୱରୀ ମାଝି, ମହେଶ୍ୱର ପାଲକା, ଅନାଦି ଚରଣ ଶବର । ରାୟଗଡ଼ା ସହର ଅନ୍ତର୍ଗତ ହାତୀପଥର ରୋଡର ରମେଶ ଚନ୍ଦ୍ର ବେହେରାଙ୍କ ଝିଅ ଦୀପାରାଣି ବେହେରା ୪୩୭ ନମ୍ବର ର୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ସେ ରାୟଗଡ଼ା ଠାରେ ରାଜସ୍ୱ ବିଭାଗରେ କନିଷ୍ଠ ସହାୟକ ଭାବେ କାର୍ଯ୍ୟରତ ଅଛନ୍ତି । କାଶୀପୁର ବ୍ଲକ ମଇଲିଗୁଡ଼ା ଗ୍ରାମର ପଙ୍କଜ କୁମାର ମାଝି ୬୬୨ ର୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ସେ ପୂର୍ବତନ ବିଧାୟକ ବିଭୀଷଣ ମାଝିଙ୍କ ପୁଅ ଅଟନ୍ତି । ବର୍ତମାନ ଓଡ଼ିଶା ପୋଲିସ ବିଭାଗରେ ଡିଏସପି ଭାବେ ପଙ୍କଜ କାର୍ଯ୍ୟରତ ଅଛନ୍ତି । ସେହିଭଳି କାଶୀପୁର ବ୍ଲକ ମଇଲିଗୁଡ଼ା ଗ୍ରାମର ମଦନ ମାଝିଙ୍କ ଝିଅ ଲକ୍ଷେଶ୍ୱରୀ ମାଝି ୬୪୭ ର୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ଏଣେ କୋଲନରା ବ୍ଲକ ଭୁଜବଳ ଗ୍ରାମର ମହେଶ୍ୱର ପାଲାକା ୪୫୦ ର୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ସେ ବର୍ତମାନ ବ୍ରହ୍ମପୁର ସିଟି କଲେଜରେ ଅଧ୍ୟାପକ ଭାବେ କାର୍ଯ୍ୟରତ ଅଛନ୍ତି । ଏଣେ ଜିଲା କୃଷି କାର୍ଯ୍ୟାଳୟରେ ବରିଷ୍ଠ ସହାୟକ ଭାବେ କାର୍ଯ୍ୟରତ ଅନାଦି ଚରଣ ଶବର ୬୨୨ ର୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି । ତାଙ୍କ ଘର ରାମନାଗୁଡ଼ା ବ୍ଲକ ଅନ୍ତରଝୋଲି ଗ୍ରାମରେ ହୋଇଥିବା ବେଳେ ବାପା ହେଉଛନ୍ତି କେଶବ ଶବର । ସେମାନେ କୃତକାର୍ଯ୍ୟ ହେବା ପରେ ଶୁଭେଚ୍ଛାର ସୁଅ ଛୁଟିଛି ।
