ଓଡିଶା ଆଦର୍ଶ ବିଦ୍ୟାଳୟର ଜିଲ୍ଲାସ୍ତରୀୟ ପ୍ରଥମ ସ୍ୱନକ୍ଷେତ୍ର ଉତ୍ସବ
ବାଲିଗୁଡା, (ସଞ୍ଜୟ କୁମାର ପାଣିଗ୍ରାହୀ):ଓଡିଶା ଆଦର୍ଶ ବିଦ୍ୟାଳୟର (ଓଏଭି) ଜିଲ୍ଲାସ୍ତରୀୟ ପ୍ରଥମ ସ୍ୱନକ୍ଷେତ୍ର ଉତ୍ସବ ବାଲିଗୁଡାର ଓଡିଶା ଆଦର୍ଶ ବିଦ୍ୟାଳୟ ପରିସରରେ ପାଳିତ ହୋଇଯାଇଛି । ଜିଲ୍ଲାଶିକ୍ଷାଅଧିକାରୀ ପ୍ରମୋଦ ଷଢଙ୍ଗିଙ୍କ ଅଧକ୍ଷତାରେ ପାଳିତ ହୋଇଥିବା ବେଳେ ମୁଖ୍ୟ ଅତିଥୀ ଭାବେ ସ୍ଥାନୀୟ ଉପଜିଲ୍ଲାପାଳ ଦୁଖବନ୍ଧୁ ନାୟକ ଯୋଗଦେଇ ଥିବା ବେଳେ ସମ୍ମାନୀତ ଅତିଥୀ ଭାବେ ସ୍ଥାନୀୟ ବିଡିଓ ଶଶାଙ୍କ ଶେଖର ପାତ୍ର,ସହକାରୀ ଜିଲ୍ଲାଶିକ୍ଷାଅଧିକାରୀଣୀ ନିରୁପମା ଦୋରା,ବାଲିଗୁଡା ବିଇଓ ମହେଶ୍ୱର ମାଝୀ,ଏନଏସି କାର୍ଯ୍ୟନିର୍ବାହୀ ଅଧୀକାରୀ ସାମନ୍ତ ବିଶ୍ୱମ୍ବର ମହାପାତ୍ର , ବାଲିଗୁଡା ଓଡିଶା ଆଦର୍ଶ ବିଦ୍ୟାଳୟର ପ୍ରିନ୍ସିପାଲ ଜିତେନ୍ଦ୍ର କୁମାର ମହାପାତ୍ର ପ୍ରମୁଖ ମଂଚାସିନ ଥିଲେ । ଜିଲ୍ଲାର ସମସ୍ତ ବ୍ଲକର ଓଡିଶା ଆଦର୍ଶ ବିଦ୍ୟାଳୁୟ ମାନଙ୍କରୁ ଆସିଥିବା ଛାତ୍ରଛାତ୍ରୀ ମାନଙ୍କ ମଧ୍ୟରେ ନୃତ୍ୟ ସହ ଅନ୍ୟାନ୍ୟ ପ୍ରତିଯୋଗିତା ହୋଇଥିଲା । ପ୍ରତିଯୋଗିତାରେ ଭାଗନେଇ ଫଳପ୍ରଦ ହୋଇଥିବା ଛାତ୍ରଛାତ୍ରୀ ମାନଙ୍କୁ ଅତିଥୀଙ୍କ ଦ୍ୱାରା ପୁରଷ୍କୃତ କରାଯାଇଛି । ସଫଳ ଛାତ୍ରଚାତ୍ରୀ ମାନେ ଆସନ୍ତା ଜୋନାଲଲେବେଲ ରେ ଅଂଶଗ୍ରହଣ କରିବେ । ଜିଲ୍ଲାର ସମସ୍ତ ବ୍ଲକର ଆଦର୍ଶ ବିଦ୍ୟାଳୟର ଛାତ୍ରଛାତ୍ର୍ରୀ ସମେତ ଶିକ୍ଷକଶିକ୍ଷୟତ୍ରୀ ମାନେ ଯୋଗଦେଇଥିଲେ ।
