ଓଡିଶା ପ୍ରଶାସନିକ ସେବା ରେ ବରେଶ୍ଵର ଗ୍ରାମର ସରୋଜ ପଣ୍ଡାଙ୍କ ସଫଳତା

ହାଟଡିହି, (ବିକାଶ ବିଶ୍ୱାଳ):ଓଡିଶା ପ୍ରଶାସନିକ ସେବା ରେ ବରେଶ୍ଵର ଗ୍ରାମର ଭଗବାନ ପଣ୍ଡା ଓ ମା ସାବିତ୍ରୀ ପଣ୍ଡାଙ୍କ ସୁପୁତ୍ର ସରୋଜ କୁମାର ପଣ୍ଡା ସଫଳତା ହାସଲ କରିଛନ୍ତି। ସେ ୨୬୯ ତମ ରେଙ୍କରେ ରହି ଏହି ସଫଳତା ହାସଲ କରିଛନ୍ତି। ସେ ମୁଗୁପୁର ହାଇସ୍କୁଲରୁ ଜଣେ କୃତି ଛାତ୍ର ଭାବେ ମାଟ୍ରିକ ଶିକ୍ଷା ସମାପ୍ତ ପରେ ଭୁବନେଶ୍ୱରର ଏକ ଘରୋଇ ବିଜ୍ଞାନ କଲେଜରେ ଯୁକ୍ତ ୨ ଓ ଭଦ୍ରକ ଅଟୋନମସ୍ କଲେଜରୁ ଯୁକ୍ତ ୩ ସମାପ୍ତ ପରେ ଫକିରପୁର ରେ ବି.ଇ.ଡି ଶିକ୍ଷା ସମାପ୍ତ ପରେ ଏବେ କେନ୍ଦୁଝର ବୋଦାପଳଶା ଆଦର୍ଶ ବିଦ୍ୟାଳୟରେ ଶିକ୍ଷକତା କରୁଛନ୍ତି। ତାଙ୍କର ଏପରି ସଫଳତାରେ ସମଗ୍ର ଅଞ୍ଚଳରେ ଖୁସିର ଲହରି ଖେଳି ଯାଇଛି। ଆନନ୍ଦପୁର ବିଧାୟକ ଅଭିମନ୍ୟୁ ସେଠୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ତାଙ୍କର ଏହି ସଫଳତାରେ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି।