ଓଡ଼ିଶା ଆସୁଛନ୍ତି କେନ୍ଦ୍ରମନ୍ତ୍ରୀ ମନସୁଖ ମଣ୍ଡାଭ୍ୟା
କଟକ : କଟକ ସଦର ଅନ୍ତର୍ଗତ ଯଶପଡ଼ା ପଞ୍ଚାୟତର ହାଟପଡାଠାରେ ବୁଧବାର ବିଜେପିର ବିଜୟ ସଂକଳ୍ପ ସଭାର ଆୟୋଜନ କରାଯାଇଛି। ଏଥିରେ କେନ୍ଦ୍ର ସଡ଼କ ପରିବହନ ରାଷ୍ଟ୍ରମନ୍ତ୍ରୀ ମନସୁଖ.ଏଲ. ମାଣ୍ଡଭ୍ୟା ଯୋଗଦେବାର କାର୍ଯ୍ୟକ୍ରମ ରହିଛି । କେନ୍ଦ୍ରମନ୍ତ୍ରୀ ଅପରାହ୍ଣରେ ହେଲିକପ୍ଟର ଯୋଗେ ଆସି ଯଶପଡା ହାଟପଡ଼ିଆରେ ପହଞ୍ଚିବେ। କଟକ ସଦର ନିର୍ବାଚନମଣ୍ଡଳୀ ବିଜେପି ନେତା ତଥା ରାଜ୍ୟ ସଂପାଦକ ଦିଲ୍ଲୀପ ମଲ୍ଲିକଙ୍କ ପୌରେହିତ୍ୟରେ ଏହି ବିଜୟ ସଂକଳ୍ପ ସଭାରେ କେନ୍ଦ୍ରମନ୍ତ୍ରୀଙ୍କ ସହିତ ରାଜ୍ୟ ବିଜେପି ଉପସଭାପତି ସମୀର ମହାନ୍ତି, ଓଡ଼ିଆ ସିନେତାରକା ତଥା ବିଜେପି ନେତା ଶ୍ରୀତମ ଦାସ ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି। ଏହି ଅବସରରେ କେନ୍ଦ୍ରମନ୍ତ୍ରୀ କେନ୍ଦ୍ରୀୟ ଯୋଜନାର ଲାଭାର୍ଥୀ ପରିବାରମାନଙ୍କୁ ଭେଟିବାର କାର୍ଯ୍ୟକ୍ରମ ରହିଥିବା ଶ୍ରୀ ମଲ୍ଲିକ ଏକ ପ୍ରେସ୍ ବିଜ୍ଞପ୍ତିରେ ଜଣାଇଛନ୍ତି ।
