କଂଗ୍ରେସ ଛାଡ଼ିଲେ ଗିରିଧାରୀ ପତି

ବଲାଙ୍ଗିର : ରାଜନୀତି ଜୀବନ କଂଗ୍ରେସରୁ ଆରମ୍ଭ କରିଥିଲି। କଂଗ୍ରେସ ମୋ ପାଇଁ ଏକ ଦଳ ନୁହେଁ, ପରିବାର ଥିଲା। କିନ୍ତୁ ବର୍ତ୍ତମାନ ଏହି ପରିବାରକୁ କିଛି ମୁଷ୍ଟିମେୟ ଲୋକ ନିଜ ହାତକୁ ନେଇ ପରିବାରବାଦ ପଶେଇଲେଣି। ବଲାଙ୍ଗିର ଜିଲାରେ ପ୍ରକୃତ କଂଗ୍ରେସ ନେତା, କର୍ମୀ ଅଣନିଶ୍ୱାସୀ ହୋଇଗଲେଣି ବୋଲି ସୋମବାର ସ୍ଥାନୀୟ ସାମ୍ବାଦିକ ଭବନରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ କଂଗ୍ରେସ ନେତା ଗିରିଧାରୀ ପତି କହିଛନ୍ତି। ୨୦୧୪ ନିର୍ବାଚନରେ କଂଗ୍ରେସ ପରିବାରର ସଦସ୍ୟ ଭାବେ ମୁଁ ଓ ମୋର ସହଯୋଗୀ ବିଧାୟକ ପ୍ରାର୍ଥୀ ନରସିଂହ ମିଶ୍ରଙ୍କୁ ସହଯୋଗ କରିଥିଲୁ। ବିଧାୟକ ପ୍ରାର୍ଥୀ ହୋଇ ପ୍ରଚାର ସମୟରେ ଶ୍ରୀ ମିଶ୍ର ଲୋୟରସୁକତେଲ ବୁଡି ଅଞ୍ଚଳବାସୀଙ୍କୁ ନ୍ୟାୟ ପ୍ରଦାନ କରିବା ପାଇଁ ପ୍ରତିଶ୍ରୁତି ଦେଇଥିଲେ। କିନ୍ତୁ ଶ୍ରୀ ମିଶ୍ର ବିଧାୟକ ହେଲା ପରେ ବଲାଙ୍ଗିରର ଜୀବନରେଖା କୁହାଯାଉଥିବା ଲୋୟରସୁକତେଲ କଥା ଭୁଲିଗଲେ। ଦୀର୍ଘ ୫ ବର୍ଷ ପରେ ମଧ୍ୟ ବୁଡି ଅଞ୍ଚଳବାସୀଙ୍କ ସମସ୍ୟା ସମାଧାନ ହେଲା ନାହିଁ। ବଲାଙ୍ଗିର ବିଧାୟକ ଲୋୟରସୁକତେଲ କାମ କରେଇ ପାରିଲେନି। ବିରୋଧୀ ଦଳ ନେତା ଭାବେ ଶ୍ରୀ ମିଶ୍ର ବିଧାନସଭାରେ ଗୁରୁତ୍ୱପୂର୍ଣ୍ଣ ପଦବୀ ପାଇଥିଲେ ହେଁ କେତେ ଥର ଏହି ପ୍ରସଙ୍ଗ ସମ୍ପର୍କରେ ଦାବି ଉଠାଇଛନ୍ତି ବୋଲି ଶ୍ରୀ ପତି ପ୍ରଶ୍ନ କରିଛନ୍ତି । ଏପରି ସ୍ଥିତିରେ ସେ କଂଗ୍ରେସ ଦଳରୁ ଇସ୍ତଫା ଦେଉଥିବା ନେଇ ଶ୍ରୀ ପତି ମତ ବ୍ୟକ୍ତ କରିଥିଲେ ।