କଟକ ଶିଶୁ ଭବନ ଆଇସିୟୁ ୱାର୍ଡ଼ରେ ଅଗ୍ନିକାଣ୍ଡ

କଟକ,(ୱାଇଏନ୍‌ଏସ୍‌): କଟକ ଶିଶୁ ଭବନ ଆଇସିୟୁ ୱାର୍ଡ଼ରେ ଆଜି ଅପରାହ୍ନରେ ଘଟିଛି ଅଗ୍ନିକାଣ୍ଡ । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି କିଛି ସମୟ ମଧ୍ୟରେ ନିଆଁକୁ ଆୟତ କରିବାରେ ସଫଳ ହୋଇଛନ୍ତି । କ୍ଷୟକ୍ଷତି ବାବଦରେ ସମ୍ପୂର୍ଣ୍ଣ ତଥ୍ୟ ମିଳିପାରିନାହିଁ । ସେହିପରି ଅଗ୍ନିକାଣ୍ଡ ପରେ ହସ୍ପିଟାଲରେ ବିଦ୍ୟୁତ ସେବା ବ୍ୟାହତ ହୋଇଛି ।ତେବେ କିପରି ଓ କେଉଁ ପରିସ୍ଥିତିରେ ନିଆଁ ଲାଗିଲା ସେନେଇ କିଛି ସ୍ପଷ୍ଟ ସୂଚନା ମିଳିପାରିନାହିଁ । ଏପରି ସ୍ଥିତିରେ ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି ।