କନ୍ଧମାଳ ଛାତ୍ର ବିଜେଡ଼ି ସଭାପତି ହେଲେ ସୁନିଲ୍
ଫୁଲବାଣୀ,(ପ୍ରଶାନ୍ତ କୁମାର ବେହେରା): କନ୍ଧମାଳ ଜିଲା ଛାତ୍ର ବିଜେଡ଼ି ସଭାପତି ଭାବେ ସୁନିଲ୍ ସେଠୀଙ୍କୁ ଦଳର ସୁପ୍ରିମୋ ନବୀନ ପଟ୍ଟନାୟକ ନିଯୁକ୍ତି ଦେଇଛନ୍ତି । ଏହି ଦାୟିତ୍ୱ ଦେଇଥିବ ଯୋଗୁଁ ସେ ସୁପ୍ରିମୋ ଏବଂ ରାଜ୍ୟ ଛାତ୍ର ବିଜେଡ଼ି ସଭାପତିଙ୍କ ସମେତ କନ୍ଧମାଳ ସାଂସଦ ଡ଼. ଅଚ୍ୟୁତ ସାମନ୍ତ , ମନ୍ତ୍ରୀ ପଦ୍ମନାଭ ବେହେରା, ବିକ୍ରମ କେଶରୀ ଆରୁଖ ଓ ଜିଲା ବିଜେଡ଼ି ସଭାପତି ସରୋଜ କର୍ଣ୍ଣକୁ ଧନ୍ୟବାଦ ଦେବା ସହିତ ଜିଲାର ଛାତ୍ର ବିଜେଡ଼ିକୁ ମଜଭୁଦ କରିିବ। ପାଇଁ ସବୁ ପ୍ରକାର ଉଦ୍ୟମ କରିବେ ବୋଲି ତାଙ୍କ ପ୍ରତିକିୟାରେ ପ୍ରକାଶ କରିଛନ୍ତି । ଆଜି ଫୁଲବାଣୀ ଠାରେ ନବ ନିଯୁକ୍ତ ଯୁବ ବିଜେଡ଼ି ସଭାପତି ଶ୍ରୀ ସେଠୀଙ୍କୁ ଫୁଲବାଣୀ ବିଧାୟକ ଅଙ୍ଗଦ କହଁର ,ବାଲିଗୁଡ଼ା ବିଧାୟକ ଚକ୍ରମଣି କହଁର , ଜିଲା ପରିଷଦ ଅଧ୍ୟକ୍ଷା ଶ୍ରୀମତି ଆକାଂକ୍ଷା ପ୍ରଧାନ,ରାଜ୍ୟ ସଂଖ୍ୟା ଲଘୁ ସେଲ୍ର ସାଧାରଣ ସଂପାଦକ ମହମ୍ମଦ ୟାସିନ୍ ବେଗ୍ ,ଜିଲ୍ଲା ପରିଷଦ ଉପାଧ୍ୟକ୍ଷା , ଜିଲ୍ଲା ପରିଷଦ ସଭ୍ୟା ଜୁଲିଲତା ଲେଙ୍କା , ମହିଳା ନେତ୍ରୀ ପୁନମ୍ କହଁର ଓ ଅନ୍ୟ ବରିଷ୍ଠ ନେତା ଏବଂ ଯୁବନେତାମାନେ ଫୁଲତୋଡ଼ା ଦେଇ ସ୍ୱାଗତ କରିଥିଲେ ।
