କମର୍ସ ମେରିଟ ଏକାଡେମୀର ୭ମ ବାର୍ଷିକ ଉତ୍ସବ
ଭୁବନେଶ୍ୱର,(ୱା ଏନ ଏସ):ସତ୍ୟନଗର ସ୍ଥିତ କମର୍ସ ମେରିଟ ଏକାଡେମୀର ୭ମ ବାର୍ଷିକ ଉତ୍ସବ ଲୋହିୟା ଏକାଡେମୀ ଠାରେ ଅନୁଷ୍ଠିତ ହୋଇଯାଇଅଛି। ଏଥିରେ ମୁଖ୍ୟ ଅତିଥି ଭାବେ ଡ. ଭାଗବତ ଶୁକ୍ଲ ଯୋଗଦେଇ ନୂତନ ପିଢ଼ି ପାଇଁ କମର୍ସର ଉପୋଯୋଗୀତା ସମ୍ପର୍କରେ ଆଲୋକପାତ କରିଥିଲେ। ଏତଦ୍ ବ୍ୟତୀତ ଜଗନ୍ନାଥ ପ୍ରଧାନ, ନିଶିକାନ୍ତ ମହାପାତ୍ର, ରୁଦ୍ର ନାରାୟଣ ସାମନ୍ତରାୟ, ଡ. ଅନିନ୍ଦିତା ଦାସ, ଡ. ସଂଯୁକ୍ତା ସାହୁ ଓ ଡ. ରୋନିଶ୍ମିତା ମିଶ୍ର ଆଦି ଯୋଗଦେଇ କମର୍ସର ବିଭିନ୍ନ ଦିଗ ପ୍ରତି ଆଲୋଚନାପୂର୍ବକ ସୂଚନା ପ୍ରଦାନ କରିଥିଲେ। କମର୍ସ ମେରିଟ ଏକାଡେମୀର ନିର୍ଦ୍ଦେଶକ କ୍ଷୀତିସ କୁମାର ମହାପାତ୍ର ଏକାଡେମୀ ସମ୍ବନ୍ଧରେ ବିସ୍ତୃତ ଭାବେ ଆଲୋକପାତ କରିଥିଲେ। ଏହାପରେ ବିଭିନ୍ନ ଉଚ୍ଚବିଦ୍ୟାଳୟର ନିମନ୍ତ୍ରିତ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ଅନୁଷ୍ଠାନର ଅଧ୍ୟାପକ ସମୀର ଗଛାୟତ, ମନୋରଞ୍ଜନ ତ୍ରିପାଠୀ, ନିମାଇଁ ଚରଣ ନାୟକ, ଶୁଭଶ୍ରୀ ବେହେରା, ଶୁଭଲକ୍ଷ୍ମୀ ମହାନ୍ତି ଓ ପୂର୍ବାଶା ନାୟକ ପ୍ରବୃତ୍ତି ସମ୍ବର୍ଦ୍ଧିତ କରିଥିଲେ।
ଏହାର ମୁଖ୍ୟ ଆକର୍ଷଣ କୁଇଜ୍ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ଦଶମ ଶ୍ରେଣୀ ଛାତ୍ରଛାତ୍ରୀ ମାନଙ୍କୁ ଅତିଥିମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା। ଏତଦ୍ ବ୍ୟତୀତ ବିଦ୍ୟା ଓ ବିକାଶ ଚାରିଟେବୁଲ ଟ୍ରଷ୍ଟ ର ଲୋଗୋ ମୁଖ୍ୟ ଅତିଥିଙ୍କ ଦ୍ଵାରା ଉନ୍ମୋଚନ କରାଯାଇଥିଲା। ଏହି ଚାରିଟେବୁଲ ଟ୍ରଷ୍ଟ ର ମୂଳ ଲକ୍ଷ୍ୟ ହେଲା ନବମ ଓ ଦଶମ ଶ୍ରେଣୀ ଗରିବ ମେଧାବୀ ଛାତ୍ରଛାତ୍ରୀ ମାନଙ୍କୁ ବିନାମୂଲ୍ୟରେ ଶିକ୍ଷାଦାନ କରିବା। ଶେଷରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
