କର୍ମବୀର ବୃନ୍ଦାବନ ନାୟକଙ୍କ ୪୦ ତମ ଶ୍ରାଦ୍ଧବାର୍ଷିକ ପାଳିତ

ବ୍ରହ୍ମପୁର,(ଅନିଲ କୁମାର):କର୍ମବୀର ବୁନ୍ଦାବନ ବାବୁଙ୍କ ୪୦ ତମ ଶ୍ରାଦ୍ଧବାର୍ଷିକ ଉତ୍ସବ ଶୁକ୍ରବାର ଦିନ ମହାସମାରୋହରେ ପାଳିତ ହୋଇଯାଇଛି ।ସକାଳେ ଶ୍ରୀ ନୀଳକଣ୍ଠେଶ୍ଵର ନିକଟସ୍ଥ ବୃନ୍ଦାବନ ବାବୁଙ୍କ ସମାଧି ପୀଠରେ ମାଲ୍ୟାପର୍ଣ ଓ ଶ୍ରୀ ନୀଳକଣ୍ଠ ପୁଷ୍କରଣୀରେ ତିଳ ତର୍ପଣ କରିବା ପରେ କମାପଲ୍ଲୀ ଛକ ସ୍ଥିତ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ମଧ୍ଯାନ ରେ ଗୀତା ଭବନ ପରିସରରେ ରାମଧୁନ ଭଜନ ପରିବେଷଣ ସହ ପ୍ରସାଦ ବ୍ୟବସ୍ଥା କରାଯାଇଥିଲା । ଅଭିଭକ୍ତ ଗଞ୍ଜାମ ଜିଲ୍ଲା ସମେତ ଓଡ଼ିଶାର ରାସ୍ତା ଘାଟ, ପାନୀୟ ଜଳ, ଶିକ୍ଷା ଓ ସ୍ଵାସ୍ଥ୍ୟ କ୍ଷେତ୍ରରେ ବୃନ୍ଦାବନ ବାବୁଙ୍କ ଉଲେଖନୀୟ ଅବଦାନ ରହିଛି । ଯଥାର୍ଥରେ ସେ ଥିଲେ ଜର୍ମଦୀର, ଲୋକଙ୍କ ସେବା କରିବା ତାଙ୍କ ଜୀବନର ମୂଳମନ୍ତ୍ର ଥିଲା । ଓଡ଼ିଶା ରାଜନୀତିରେ ଏବଂ ଓଡିଶା ଶାସନ ରେ ତାଙ୍କର ପ୍ରଭାବଶାଳୀ ଭୂମିକା ସ୍ମରଣୀୟ ରହିବ ବୋଲି ବିଶିଷ୍ଟ ବ୍ୟକ୍ତି ମାନେ ମତ ପ୍ରକାଶ କରିଛନ୍ତି l ବୃନ୍ଦାବନ ନାୟକ ସ୍ମୃତି କମିଟି ପକ୍ଷରୁ ଆୟୋଜିତ ଏହି ଶ୍ରାଦ୍ଧ ଉତ୍ସବରେ ପୂର୍ବତନ ସାଂସଦ ତଥା କେନ୍ଦ୍ର ମନ୍ତ୍ରୀ ଚନ୍ଦ୍ର ଶେଖର ସାହୁ, ପୂର୍ବତନ ବିଧାୟକ ଡା. ରମେଶ ଚନ୍ଦ୍ର ତ୍ୟାଗ ପଟ୍ଟନାୟକ, ବିକ୍ରମ ପଣ୍ଡା, ମେୟର ସଂଘମିତ୍ରା ଦଳାଇ, ସୁବାସ ମହାରଣା, ବହୁ କର୍ପୋରେଟର, ଡାକ୍ତର, ଓକିଲ, ବୁଦ୍ଧିଜୀବୀ, ପ୍ରମୁଖ ଯୋଗ ଦେଇଥିଲେ । ଏସ୍ ଏମ୍ ଆଇ ଟି ସଭାପତି ଡ. ଭଗବାନ ଗନ୍ତାୟତ, ସମ୍ପାଦକ ଜାମୁଲା ଶଙ୍କର ନାରାୟଣ, ୩୮ୱାର୍ଡ କର୍ପୋରେଟର ସୋନାଲୀ ଗନ୍ତାୟନ ସମସ୍ତେ ଉପସ୍ଥିତ ଥିଲେ l