କର୍ମଯୋଗୀ ନାରାୟଣ ଚନ୍ଦ୍ର ମହାନ୍ତିଙ୍କ ୭୫ ତମ ଜନ୍ମ ଜୟନ୍ତୀ
କଟକ, (ଯୁଗାବ୍ଦ ନ୍ୟୁଜ):କଟକ ସଦର ୪୨ ମୌଜା ପଟଣା ଗ୍ରାମର ଅଗ୍ରଣୀ ସାମାଜିକ ସଙ୍ଗଠନ “ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ”ର ବରେଣ୍ୟ ସମ୍ପାଦକ,ପ୍ରତିଭାର ପୁଜାରୀ,ସାରସ୍ଵତ ସାଧକ,ଆଦର୍ଶ ବ୍ୟକ୍ତିତ୍ଵ,ଅହଙ୍କାର ବିବର୍ଜିତ ମାନବ,ବିଶିଷ୍ଠ ସଙ୍ଗଠକ, ପରିବେଶବିତ୍,ସମାଜସେବୀ ଶ୍ରୀଯୁକ୍ତ ନାରାୟଣ ଚନ୍ଦ୍ର ମହାନ୍ତି (ଝରା ଭାଇ) ୭୫ ବର୍ଷରେ ପଦାର୍ପଣ କଲେ । ଏହି ଅବସରରେ ଆଦର୍ଶ ଶିକ୍ଷକ ମିହିର କୁମାର ନାୟକଙ୍କୁ ସମ୍ବର୍ଧନା ଦିଆଯିବା ସହିତ ଛାତ୍ରଛାତ୍ରୀଙ୍କୁ ଖାତା,କଲମ ଆଦି ପାଠ୍ୟ ଉପକରଣ ଓ ମିଷ୍ଟାନ୍ନ ବଣ୍ଟନ କରାଯାଇଛି,ଏହି ନଭେମ୍ବର ମାସ (କାର୍ତ୍ତିକ ମାସ)ରେ ବହୁବିଧ ସେବାକାର୍ଯ୍ୟ,ଆଶ୍ରମ ଭ୍ରମଣ ସହ ଖାଦ୍ୟ ବସ୍ତ୍ର ପାଠ୍ୟ ଓ କ୍ରୀଡ଼ା ସାମଗ୍ରୀ ପ୍ରଦାନ,ବୃକ୍ଷ ରୋପଣ,ସାହିତ୍ୟ ସେବା,ପୂଜ୍ୟପୂଜା ଆଦି କରା ଯିବାକୁ ସେ ସ୍ଥିର କରିଛନ୍ତି । ସମଗ୍ର ସଦର ବାସି ପ୍ରିୟ ଝରା ଭାଇଙ୍କୁ ଶୁଭେଚ୍ଛା ଜଣାଇବା ସହ ତାଙ୍କ ଦୀର୍ଘ ନିରାମୟ ଜୀବନ କାମନା କରିଛନ୍ତି ।
