କଳାହାଣ୍ଡି ବଣିକ ସଂଘର ୫୦ ତମ ବାର୍ଷିକ ଉତ୍ସବ ପାଳନ

କଳାହାଣ୍ଡି, (ଯୁଗାବ୍ଦ ନ୍ୟୁଜ):କଳାହାଣ୍ଡି ବଣିକ ସଂଘର ୫୦ ତମ ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇଯାଇଛି । ଏହି କାର୍ଯକ୍ରମରେ ସମସ୍ତ ବ୍ୟବସାୟିକ ସଂଘଟନ କର୍ମଚାରୀଙ୍କୁ ବୀମାଭୁକ୍ତ କରାଯିବ ସହିତ ସଂଘ ସଦସ୍ୟଙ୍କ ମଧ୍ୟରେ ଅନ୍ତାକ୍ଷରିର ଆୟୋଜନ କରାଯାଇଥିଲା ସଂଘର ସାଧାରଣ ପରିଷଦ ବୈଠକ ସହିତ ଅପରାହ୍ନରେ ସଂଘର ସଦସ୍ୟ ମାନେ ଏକ ବିରାଟ ପଟୁଆରରେ ସହର ପରିକ୍ରମା କରିଥିବା ବେଳେ , ଓଡ଼ିଆ ସିନେମା ଜଗତର ଚର୍ଚିତା ନାୟିକା ସୁଶ୍ରୀ ପୁନମ୍ ମିଶ୍ର ଉଦ୍ଘାଟିତ କରିଥିଲେ । କଳାହାଣ୍ଡି ଜିଲ୍ଲା ବଣିକ ସଂଘ ସଭାପତି ବିଜୟ କୁମାର ସାହୁଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲାପାଳ ପାୱାର ସଚିନ୍ ପ୍ରକାଶ , ଓଡ଼ିଶା ବ୍ୟବସାୟୀ ସଂଘ ସଭାପତି ସୁଧାକର ପଣ୍ଡା , ସି. ଏ. ଆଇ. ଟି. ଦିଲ୍ଲୀ ଜିତେନ୍ଦ୍ର ପ୍ରସାଦ ଗୁପ୍ତା , ଅଲ୍ ଇଣ୍ଡିଆ ଟ୍ରେଡ ଆସୋସିସନ ଦିଲ୍ଲୀ ସିନିୟର୍ ଉପ-ସଭାପତି ବ୍ରିଜ ମୋହନ ଅଗ୍ରୱାଲ , ରିଜ୍ୟୁନାଲ ମେନେଜର ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଭବାନୀପାଟଣା ଆର. ଗଙ୍ଗାଧର ପଟ୍ଟନାୟକ ପ୍ରମୁଖ ବହୁ ଅତିଥି ଓ କର୍ମକର୍ତ୍ତା ଯୋଗଦେଇଥିବା ବେଳେ , ସାଧାରଣ ସମ୍ପାଦକ ବଣିକ ସଂଘ କଳାହାଣ୍ଡି ନିରୋଜ୍ ପଟ୍ଟନାୟକ , ନିବେଶ ଜୈନ , ଅଶୋକ ରାଉତ , ଏ. ଆର. ରେହେମାନ୍, ସନ୍ତୋଷ ସାହୁ ପ୍ରମୁଖ ମୁଖ୍ୟ ଭୂମିକା ଗ୍ରହଣ କରିଥିଲେ । ଏହି ଅବସରରେ ବରିଷ୍ଠ ନାଗରିକ,ବ୍ୟବସାୟୀ, ବୁଦ୍ଧିଜୀବୀ ଏବଂ ଉଦୀୟମାନ ଯୁବ ପ୍ରତିଭା ମାନଙ୍କୁ ବଣିକ ସଂଘ ତରଫରୁ ସମ୍ବର୍ଦ୍ଧିତ କରାଯାଇଥିଲା । ଶେଷରେ ବଲିଉଡ୍ ଅଭିନେତ୍ରୀ ଓ ସ୍ଥାନୀୟ କଳାକାର ମାନଙ୍କ ଦ୍ବାରା ମନୋରଞ୍ଜନ କାର୍ଯକ୍ରମ ପରିବେଷଣ କରାଯାଇଥିଲା ।