କ଼ୁମାରୀ ପାରିରେ ବନ ବିଭାଗର ଚଢ଼ାଉ
କୋଦଳା ( ଯୁଗାବ୍ଦ ନ୍ୟୁଜ୍) : ବେଗୁନିଆପଡ଼ା ବ୍ଳକ ଅନ୍ତର୍ଗତ କୁମ୍ଭାରଗାଁ ପଞ୍ଚାୟତର କୁମାରୀପାରି ଗ୍ରାମରେ ଚୋରା କାଠ ଥିବା ଖବର ପାଇ ବନ ବିଭାଗ କର୍ମଚାରୀ ଶନିବାର ଦିନ ଚଢାଉ କରିଥିଲେ। ଗ୍ରାମ ନିକଟରେ ଥିବା କିଛି କାଠକୁ ଜବତ କରିବା ପାଇଁ ଗଲାବେଳେ ଗ୍ରାମବାସୀ ମାନେ ଉପସ୍ଥିତ ହୋଇ ପ୍ରତିବାଦ କରିଥିଲେ। ଏହି କାଠ କେତେ ଜଣଙ୍କ ବ୍ୟକ୍ତିଗତ ବୋଲି ଗ୍ରାମବାସୀ ଅଭିଯୋଗ କରିଥିଲେ। ଫଳରେ ଉଭୟଙ୍କ ମଧ୍ୟରେ କିଛି ସମୟ ଯୁକ୍ତିତର୍କ ଚାଲିଥିଲା। ବନ କର୍ମଚାରୀ କହିଥିଲେ ଯେ ଉକ୍ତ କାଠ ଓ ଏହାର ମୂଳ ମାପ କରି ସମାନ ଥିଲେ ଜବତ କରିବୁନାହିଁ। ଗ୍ରାମବାସୀ ଗଛର ମୂଳ ଦେଖାଇ ଥିଲେ। ରିପୋର୍ଟ୍ ଲେଖା ହେବା ପର୍ୟ୍ୟନ୍ତ କୌଣସି ସମାଧାନ ହୋଇ ପାରି ନ ଥିଲା। ଘଟଣା ସ୍ଥଳରେ ଉତ୍ତେଜନା ପରିସ୍ଥିତି ଦେଖା ଦେଇଛି ଗ୍ରାମବାସୀ ଓ ବନ ବିଭାଗ ଫୋର୍ସ ମୁତୟନ ହୋଇଥିବା ବେଳେ ବେଗୁନିଆପଡ଼ା ଫାଣ୍ଡି ପୁଲିସ ମଧ୍ୟ ଉପସ୍ଥିତ ରହିଛନ୍ତି। ଏଥିରେ ଖୋର୍ଦ୍ଧା, ଟାଙ୍ଗୀ ରେଞ୍ଜର ଅଜୟ କୁମାର ଜଗଦେବ୍, ଖଲିକୋଟ ରେଞ୍ଜର ଦିଲ୍ଲୀପ କୁମାର ମାର୍ଥାଙ୍କ ସମେତ ଫୋର୍ସ ମୁତୟନ ରହିଛନ୍ତି।
