କାଠ ଗାଡି ଡକାଯତି ଉଦ୍ୟମ ପଣ୍ଡ, ଦଶଚକିଆ କାଠ ଗାଡି ସହିତ ଜଣେ ଦୃବୁତକୁ ଧରିଲା ପୁଲିସ

କରଞ୍ଜିଆ,(ଜିତେନ୍ଦ୍ର ରାଜ):ଘାଗରବେଢା ଥାନା ଅଞ୍ଚଳ ପାନପତ୍ରିୟା ଗ୍ରାମରୁ କରଞ୍ଜିଆର ଜୈନେକ କାଠ ବ୍ୟବସାୟୀ ମଧୁସୂଦନ ଶେଖର କରଞ୍ଜିଆ ବନାଞ୍ଚଳ ଅଧିକାରୀ ଏବଂ ଗ୍ରାମ କମିଟି ଠାରୁ ସ୍ୱୀକୃତି ପାଇ ୟୂକାଲି ପଟାସ ଗଛ କାଟି ଉକ୍ତ କାଠ ଗଣ୍ଡିଗୁଡିକୁ ଗୋଟିଏ ଟ୍ରକ ଡ଼ବୁଲୁ ବି 25 ଏଚ 7290 ରେ ଲୋଡ କରାଇଥିଲେ । ଉକ୍ତ ଗାଡିର ଡ୍ରାଇଭର ଏବଂ ହେଲପରକୁ ଦିନ ୧୧ ଘଟିକାରେ ସେଠାରୁ ପଶ୍ଚିମ ବଙ୍ଗ ର ସିଲିଗୁଡି ଯିବାକୁ ଅନୁମତି ଦେଇଥିଲେ । ସେଠାରୁ ଗାଡିଟି ଘାଗରବେଢା-ରରୁଆଁ ରାସ୍ତା ରେ ଯାଉଥିବା ବେଳେ ଝାଡ଼ଖଣ୍ଡ ରାଜ୍ୟର କିଛି ଦୁର୍ବୁତ୍ତ ସେହି ଗାଡିଟିକୁ ଡେଣୂଆ- ବାଲିବନ୍ଧ ଛକରେ ଅଟକାଇଥିଲେ । ସେହି ଗାଡିରେ ଦାମୀ କାଠ ଥିବା ଜାଣି ଦୁର୍ବୁତ୍ତ ମାନେ ଡ୍ରାଇଭର ଏବଂ ହେଲପେର କୁ ମାଡ଼ ମାରି ତାଙ୍କ ମୋବାଇଲ ନେଇଯାଇଥିଲେ ଏବଂ ଉକ୍ତ ଗାଡିଟିକୁ ରରୁଆଁ ଥାନା ଅଧୀନ ଅଙ୍ଗାରପଦା ଗ୍ରାମ ଦେଇ, ଡ୍ରାଇଭର ଏବଂ ହେଲପେର ସହିତ ଝାଡ଼ଖଣ୍ଡକୁ ନେଇଯାଉଥିଲେ । ଉପଖଣ୍ଡ ଅଧିକାରୀ ଶ୍ରୀ ସୁବ୍ରତ କୁମାର ବିଶେଷ ସୂତ୍ରରୁ ଖବର ପାଇ , ରରୁଆଁ ଥାନା ଅଧିକାରୀଙ୍କୁ ଉକ୍ତ ଗାଡି ଏବଂ ଦୁର୍ବୁତ୍ତ ମାନଙ୍କୁ ଧରିବା ପାଇଁ ନିର୍ଦେଶ ଦେଇଥିଲେ । ରରୁଆଁ ଥାନା ଅଧିକାରୀ ଶ୍ରୀ ସୁମନ୍ତ ସେଠୀ , ଏସ.ଅଇ ବିବେକାନଦ ବେହେରା ଏବଂ ଅନ୍ୟ ଥାନା କର୍ମଚାରୀ ଗାଡିଟିକୁ ଅଙ୍ଗାରପଦା-ଚିରୁହାତୁ ରାସ୍ତାରୁ ଧରିବା ସହ ଆସାମୀ ଝାଡ଼ଖଣ୍ଡ ରାଜ୍ୟ ମଝିଗାଁ ଅଞ୍ଚଳ ର ଜମିରୁଦ୍ଦିନ ଅଂସାରୀ କୁ ଧରିବାରେ ସଫଳ ହେବା ସହ , ଆଜି ଉକ୍ତ ଆସାମୀ କୁ କୋର୍ଟ ଚାଲାଣ କରିଥିବା ସୂଚନା ମିଳିଛି ଏବଂ ଘଟଣା ରେ ଜଡିତ ଅନ୍ୟ ଦୁର୍ବୁତ୍ତ ମାନଙ୍କୁ ଧରିବାକୁ ତଦନ୍ତ ଚଳାଇଛି ।