କାନପୁରରେ ସାର୍ବଜନୀନ ଦୁର୍ଗାପୂଜା ପ୍ରସ୍ତୁତି ବୈଠକ
ହାଟଡ଼ିହି, (ଯୁଗାବ୍ଦ ନ୍ୟୁଜ୍) : ହାଟଡିହି ବ୍ଲକ କାନପୁର ଠାରେ ଥିବା କାହ୍ନେଶ୍ୱର ଶିବମନ୍ଦିରରେ ଦ୍ୱିତୀୟ ବାର୍ଷିକ ସାର୍ବଜନୀନ ଦୁର୍ଗାପୂଜା ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । କମିଟିର ସଭାପତି ନିଳମଣି ଧଳଙ୍କ ସଭାପତିତ୍ୱରେ ଅନୁଷ୍ଠିତ ପ୍ରସ୍ତୁତି ବୈଠକରେ ଆସନ୍ତା ଶାରଦୀୟ ଦୁର୍ଗାପୂଜା କିପରି ଆଡମ୍ପରପୁର୍ଣ୍ଣ ସହକାରେ ଅନୁଷ୍ଠିତ ହେବ ସେନେଇ ଆଲୋଚନା କରାଯାଇଥିଲା । କମିଟିର ସମ୍ପାଦକ ଅନ୍ତର୍ଯ୍ୟାମୀ ରାଉତ, କୋଷାଧ୍ୟକ୍ଷ ଉପେନ୍ଦ୍ର ବେହେରା, ଧନେଶ୍ୱର ଧଳ, ଜର୍ମାନୀ ଖମାରୀ, ବିଶ୍ୱନାଥ ଖମାରୀ, ରବିନ୍ଦ୍ର ରାଉତ, ଜଗବନ୍ଧୁ ବେହେରା, ୱାର୍ଡସଭ୍ୟ ଶତୃଘ୍ନ ରାଉତ, ଉତ୍ତମ ବେହେରା, ରମେଶ ରାଉତ, ପ୍ରଶାନ୍ତ ମହାରଣା, ଶତୃଘ୍ନ ମହାରଣା, ବସନ୍ତ ଧଳ, ଶଶିଭୂଷଣ ଜେନା, ଅଶୋକ ସେଣ, ଅମର ଜେନା, ଗୌରା ବାରିକ, କମଳାକାନ୍ତ ଧଳ, ବିଜୟ କୁମାର ଜେନା ପ୍ରମୁଖ ଉପସ୍ଥିତ ରହି ଚଳିତବର୍ଷର ପୂଜା ସମ୍ପର୍କରେ ଆଲୋଚନା କରିଥିଲେ । ମା’ଙ୍କର ଷଷ୍ଠୀପୂଜା, ମହାସପ୍ତମୀ, ମହାଷ୍ଟମୀ, ମହାନବମୀ ଓ ଦଶହରାପୂଜା ପାରମ୍ପରୀକ ରିତୀରେ କରିବା ସହିତ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ ସମ୍ପର୍କରେ ଆଲୋଚନା ହୋଇଥିଲା । ବିଶେଷକରି ଶାନ୍ତି ଶୃଙ୍ଖଳା ରକ୍ଷା ଉପରେ ସଭ୍ୟମାନେ ଗୁରୁତ୍ୱ ଦେଇଥିଲେ ।
