କାନ୍ଥରେ ପିଟି ହୋଇ ବାଇକ ଚାଳକ ମୃତ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ୱାଳ):ରବିବାର ରାତିରେ ମୟୂରଭଂଜ ଜିଲ୍ଲାର ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ ୧୨ ନମ୍ବର ଓ୍ବାର୍ଡରେ ରାତି ୧୦ଟା ପାଖାପାଖି ସମୟରେ ବାଇକ୍ ଦୁର୍ଘଟଣାରେ ଜନୈକ ଯୁବକର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସୂଚନା ଯୋଗ୍ୟ ରାଇରଙ୍ଗପୁର ପୌରାଞ୍ଚଳର ରୋହିତ ରାମ (୨୪) ପିତା -ଅବଧେଶ ରାମ ଗତକାଲି ରାତିରେ ଘରକୁ ଫେରୁଥିବାବେଳେ ୧୨ନମ୍ବର ଓ୍ବାର୍ଡରେ ଜାକିରଙ୍କ ଘର ପାଖରେ ଭାରସାମ୍ୟ ହରାଇ ତାଙ୍କ କାନ୍ଥରେ ପିଟି ହୋଇଯାଇଥିଲେ ।ମୁଣ୍ଡ ଫାଟି ଯାଇ ରକ୍ତ ଜଡୁବୁଡୁ ଅବସ୍ଥାରେ ପଡି ଯାଇଥିଲେ । ଖବର ପାଇ ଘର ଲୋକେ ତାଙ୍କୁ ୧୦୮ ଆମ୍ବୁଲାନ୍ସରେ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ଆଣୁଥିବା ବେଳେ ରାସ୍ତାରେ ତାଙ୍କର ପ୍ରାଣବାୟୁ ଉଡି ଯାଇଥିଲା ।ଡାକ୍ତର ମୃତ ଘୋଷଣା କରିଥିଲେ ।ରାଇରଙ୍ଗପୁର ଆଦର୍ଶ ଥାନା ପକ୍ଷରୁ ଅପମୃତ୍ୟୁ ମାମଲା ରୁଜୁ କରାଯାଇଥିଲା ।ପୋଲିସ ପଞ୍ଚନାମା କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛି ।ରୋହିତ ମେଳାପି ଓ ମିଷ୍ଟଭାଷୀ ଥିଲେ ।ତାଙ୍କର ମୃତ୍ୟୁ ରେ ଶୋକର ଛାୟା ଖେଳି ଯାଇଥିଲା ।