କାମତ୍ ହୋଟେଲସ୍ ର ଲୋଟସ୍ ରିସୋଟ୍ ପକ୍ଷରୁ କୋଣାର୍କ ମନ୍ଦିର ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ

କୋଣାର୍କ, (ଗଣେଶ ଚନ୍ଦ୍ର ବେହେରା):ଗାନ୍ଧୀ ଜୟନ୍ତୀ ଅବସରରେ କାମତ୍ ହୋଟେଲସ୍ ର ଲୋଟସ୍ ରିସୋର୍ଟର କର୍ମଚାରୀ ମାନଙ୍କ ଦ୍ୱାରା ଏ. ଏସ୍. ଆଇ. କର୍ତ୍ତୃପକ୍ଷଙ୍କ ଅନୁମତି କ୍ରମେ କୋଣାର୍କ ମନ୍ଦିର ଚତୁଃପାର୍ଶ୍ବରେ ସ୍ୱଚ୍ଛତା କାର୍ଯ୍ୟକ୍ରମ ସକାଳ ୬.୪୫ ଘଣ୍ଟା ସମୟ ରେ ପରିଚାଳନା କରାଯାଇଥିଲା । କାମତ୍ ହୋଟେଲସ୍ ର ଲୋଟସ୍ ରିସୋର୍ଟର ଗ୍ରୀନ ଟିମର ପ୍ରାୟ ୪୮ ଜଣ କର୍ମଚାରୀମାନେ ଏହି ସ୍ୱଚ୍ଛତା କାର୍ଯ୍ୟକ୍ରମରେ ଭାଗ ନେଇ ଥିଲେ। ଏହି କାର୍ଯ୍ୟକ୍ରମକୁ କାମତ ହୋଟେଲସ ତଥା ଲୋଟସ ରିସୋର୍ଟର ଆର. ଜି. ଏମ. ଭାରତ ଭୂଷଣ ବିଶ୍ୱାଳ, ସୁନୀଲ କୁମାର ପାଣିଗ୍ରାହୀ, ପ୍ରଭୁଦତ୍ତ ଦାସ, ଧିରେନ କୁମାର ଆଚାର୍ଯ୍ୟ, ରାଜୀବ କୁମାର ନାୟକ, ଜିତେନ୍ଦ୍ର ଜେନା ପ୍ରମୁଖ ସୁଚାରୁ ରୂପେ ପରିଚାଳନା କରି ଥିଲେ ଏବଂ ଏଥିପାଇଁ ଏ. ଏସ୍. ଆଇ. କର୍ତ୍ତୃପକ୍ଷଙ୍କୁ ମଧ୍ୟ ଅଶେଷ ଧନ୍ୟବାଦ ଜ୍ଞାପନ କରିଥିଲେ । ବିଶ୍ୱ ସ୍ୱଚ୍ଛତା ସପ୍ତାହ ଅବସରରେ ସି. ଆଇ. ଆଇ. ମହାରାଷ୍ଟ୍ରର ଚେୟାରମ୍ୟାନ ତଥା କାମତ୍ ହୋଟେଲସ୍ ର ଡାଇରେକଟର ମିଷ୍ଟର ଵିଶାଲ ଭିଟଲ କାମତ୍ ଙ୍କ ଦ୍ୱାରା ସାରା ଭାରତର କାମତ୍ ହୋଟେଲସ୍ ଗୁଡିକରେ ଏକ ସପ୍ତାହ ଧରି ସ୍ୱଚ୍ଛତା କାର୍ଯ୍ୟକ୍ରମ ପରିଚାଳନା କରାଯାଉଛି l