କାଳବୈଶାଖୀ ପ୍ରଭାବରେ ଝାଟିମାଟି ଛପର ଉଡି ୯ପରିବାର ସଦସ୍ୟ ରାଜ ରାସ୍ତାରେ

କନ୍ଧମାଳ,(ଯୁଗାଦ୍ଦ ନ୍ୟୁଜ) କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଅନ୍ତର୍ଗତ ବ୍ରାହ୍ମୁଣୀଗାଁରେ ଗତ କାଲି ଦିବା ପ୍ରାୟ ୨ ଘଣ୍ଟା ସମୟରେ କାଳବୈଶାଖୀ ଝଡର ପ୍ରଭାବରେ ୯ଟି ପରିବାରର ଘରର ଛାତ ସମ୍ପର୍ଣ୍ଣ ଭାବେ ଉଡିଯାଇଛି। ଯାହାରି ଫଳରେ ବର୍ଷା ପାଣିରେ ଲୁଗାପଟା ସହିତ ଆସବା ପତ୍ରସବୁ ଭିଜି ନଷ୍ଟ ହୋଇଯାଇଥିବା ଖବର ହସ୍ତଗତ ହୋଇଛି। କ୍ଷତିଗ୍ରସ୍ତ ସଦସ୍ୟ ମାନେ ହେଲେ ଦମ୍ନିକ ନାୟକ, ବିପିନ ସଭାସୁନ୍ଦର, ସଞ୍ଜୟ ନାୟକ, ଜଗଦୀଶ ବଳିଆରସିଂ, ଦିନବନ୍ଧୁ ସେଠି, ଉମେଶ ନାୟକ, ସୁରମା ମଳିକ, ବୁଡୁ ନାୟକ ଓ ତାରାବତୀ ରଣସିଙ୍ଗ। କ୍ଷତି ଗ୍ରସ୍ତ ପରିବାର ସଦସ୍ୟ ମାନେ ରାଜସ୍ୱ ନିରୀକ୍ଷକ କାର୍ଯ୍ୟାଳୟକୁ ଗୁହାରି ଜଣାଇବାକୁ ଯାଇଥିବାବେଳେ ରାଜସ୍ୱ ନିରୀକ୍ଷକ ଅଧିକାରୀ ଅନୁପସ୍ଥିତ ରହିଥିବାରୁ ସର୍ବ ସାଧାରଣରେ ଅସନ୍ତୋଷ ପ୍ରକାଶ ପାଇଥିବା ଜଣାପଡିଛି। ବ୍ରାହ୍ମୁଣୀଗାଁ ଆର ଆଇ ବହୁ ସମୟରେ ଅନୁପସ୍ଥିତ ରହୁଥିବା ସର୍ବସାଧାରଣରେ ଅଭିଯୋଗ ହେଉଛି। ନେଟୱାର୍କ ନଥିବାରୁ ଆରଆଇ ଓ ତହସିଲଦାରଙ୍କୁ ଯୋଗାଯୋଗ ହୋଇ ପାରିନାହିଁ। ଅତିଶୀଘ୍ର କ୍ଷତିଗ୍ରସ୍ତ ପରିବାରକୁ ସର୍ବନିମ୍ନ ସହାୟତା ଯୋଗାଇ ଦେବାକୁ ଅଂଚଳ ପକ୍ଷର ଦାବୀ ହେଉଛି।