କାଳିଆବାଲି ଗ୍ରାମ୍ୟ କମିଟି ପକ୍ଷରୁ ଜନପ୍ରତିନିଧିଙ୍କୁ ସମ୍ବର୍ଦ୍ଧନା

ଛତ୍ରପୁର,(ଯୁଗାବ୍ଦ ନ୍ୟୁଜ୍) : ଛତ୍ରପୁର ବ୍ଲକ ଶ୍ରୀରାମଚନ୍ଦ୍ରପୁର ପଞ୍ଚାୟତ କାଳିଆବାଲି ଗ୍ରାମବାସୀଙ୍କ ପକ୍ଷରୁ ଶନିବାର । ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ, ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା, ବ୍ଲକ ଅଧ୍ୟକ୍ଷ ଏମ୍.ଧନଞ୍ଜୟ ରେଡ୍ଡି, ଉପାଧ୍ୟକ୍ଷା ଅମିତା ସାହୁଙ୍କ ସମେତ ପଞ୍ଚାୟତ ସରପଞ୍ଚ ଓ ସମିତି ସଭ୍ୟଙ୍କୁ ସମ୍ବର୍ଦ୍ଧନା ସଭାରେ ସମ୍ବର୍ଦ୍ଧନା ଦିଆଯାଇଛି । ଗ୍ରାମବାସୀଙ୍କ ତରଫରୁ ଆୟୋଜିତ ଏହି ସମ୍ବର୍ଦ୍ଧନା ଉତ୍ସବ ଏକ ନିଆରା ଢଙ୍ଗରେ ଅନୁଷ୍ଠିତ ହୋଇଥିଲା । ଦିଲେଶ୍ୱର ରେଡ୍ଡିଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଗ୍ରାମ୍ୟ କମିଟି ପକ୍ଷରୁ କାଳିଆବାଲି ଛକ ଠାରୁ ମହିଳା ମାନେ ହୁଳହୁଳି ସହ ଶଙ୍ଖ ନାଦରେ ଏକ ବର୍ଣ୍ଣାଢ୍ୟ ଶୋଭାଯାତ୍ରା ମାଧ୍ୟମରେ ଅତିଥିମାନଙ୍କୁ ପାଛୋଟି ଅଣାଯାଇଥିଲା । ସଭା ମଞ୍ଚରେ ସମସ୍ତଙ୍କୁ ପୁଷ୍ପଗୁଚ୍ଛ ସହ ଉପଢୌକନ ପ୍ରଦାନ କରି ସମ୍ମାନିତ କରାଯାଇଥିଲା । ଏହି ଅବସରରେ ସାଂସଦ ଓ ବିଧାୟକ ଗ୍ରାମବାସୀଙ୍କୁ କୃତଜ୍ଞତା ଜଣାଇବା ସହ ରାଜ୍ୟ ସରକାରଙ୍କ ବିଭିନ୍ନ ଜନହିତକର ଯୋଜନା ସଂକ୍ରାନ୍ତରେ ଦୃଷ୍ଟି ଆକର୍ଷଣ କରିଥିଲେ । ଅନ୍ୟମାନଙ୍କ ମଧ୍ୟରେ ବିଜେଡି ଜିଲ୍ଲାସଂପାଦକ ମନୋଜ କୁମାର ପାଢୀ ଓ ଦୁର୍ଗା ପ୍ରସାଦ ପଣ୍ଡା, ଜିଲ୍ଲା କାର୍ଯ୍ୟକାରିଣୀ ସଦସ୍ୟ ରବୀନ୍ଦ୍ର ନାଥ ପଣ୍ଡା, ଶ୍ରୀରାମଚନ୍ଦ୍ରପୁର ସରପଞ୍ଚ ରେବତୀ ପ୍ରଧାନ, ସମିତି ସଭ୍ୟା ସୁଷମା ସେଠୀ, ନାଏବ ସରପଞ୍ଚ ଏମ୍.ରଘୁନାଥ ରେଡ୍ଡୀ, ଶିଶିର କୁମାର ପାଣିଗ୍ରାହୀ, ବିଜେଡି ବ୍ଲକ ସଭାପତି ସପ୍ନେଶ୍ୱର ନାହାକ ପ୍ରମୁଖ ମଞ୍ଚାସୀନ ରହିଥିଲେ । ସମସ୍ତ କାର୍ଯ୍ୟକ୍ରମକୁ ଗ୍ରାମ୍ୟ କମିଟିର ସଭାପତି କେ.କରାଡୁ, ଏସ୍.ଦେବରାଜ ରେଡ୍ଡୀ, ଜଗନ୍ନାଥ ବେହେରା, ନାଗେଶ୍ୱର ରେଡ୍ଡୀ, ଏମ୍. ଦାଶରଥୀ, ଏସ.ରାମେୟା ରେଡ୍ଡୀଙ୍କ ସମେତ ବହୁ ଗ୍ରାମବାସୀ ଓ ମହିଳା ସଂଘର କର୍ମକତ୍ତା ମାନେ ପରିଚାଳନାରେ ସହଯୋଗ କରିଥିଲେ । ଶେଷରେ ଛତ୍ରପୁର ବ୍ଲକର କଣମଣା, କାଳିପଲ୍ଲୀ, ନରେନ୍ଦ୍ରପୁର, ମହାନାଦପୁର, ଭିକାରୀପଲ୍ଲୀ, ବଉଳଗାଁ,ପୋଟ୍ଟଲାମପୁର, ଆର୍ଯ୍ୟପଲ୍ଲୀ ଗ୍ରାମପଞ୍ଚାୟତ ଜନପ୍ରତିନିଧ, ପୂର୍ବତନ ଜିଲ୍ଲାପରିଷଦ ସଭ୍ୟ ଜଟିଆ ନାହାକ, ପୂର୍ବତନ ସରପଞ୍ଚ ସୋମନାଥ ବେହେରା, ଯୁବନେତା ବାବୁଲୀ ସାହୁ ଓ ଶିଶିର କୁମାର ପାଣିଗ୍ରାହୀ ଏବଂ ଗଣମାଧ୍ୟମ ପ୍ରତିନିଧୀ ମାନଙ୍କୁ ଉପଢୈକନ ସହ ପୁଷ୍ପ ଗୁଚ୍ଛ ଦେଇ ଗ୍ରାମବାସୀ ସମ୍ବର୍ଦ୍ଧନା କରିଥିଲେ ।