କାଶୀନଗର ପ୍ରେସ କ୍ଲବ ତରଫରୁ ଥାନା ଅଧିକାରୀ ଗୋବିନ୍ଦ ଗୌଡ଼ଙ୍କୁ ସମ୍ବର୍ଦ୍ଧନା

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର କାଶୀନଗର ପ୍ରେସ କ୍ଲବ ତରଫରୁ ସ୍ଥାନୀୟ ଥାନା ଅଧିକାରୀ ଗୋବିନ୍ଦ ଗୌଡ଼ ଙ୍କୁ କାଶୀନଗର ସ୍ଥିତ ବିଜୁ କଲ୍ୟାଣ ମଣ୍ଡପ ଠାରେ ଅବସର କାଳୀନ ସମ୍ବର୍ଦ୍ଧନା ସଭା ଆୟୋଜନ ହୋଇଥିଲା. ଏହି ସଭାରେ କାଶୀନଗର ଅଞ୍ଚଳର ବହୁ ବରିଷ୍ଠ ନାଗରିକ, ଭାବଗୀୟ ଅଧିକାରୀ ଙ୍କ ସହ ସ୍ଥାନୀୟ ବିଡ଼ିଓ ଦମ୍ବୁରୁ ଧର ମଲ୍ଲିକ, କାର୍ଯ୍ୟ ନିର୍ବାହୀ ଅଧିକାରୀ ଭାଗବତ ସାହୁ, ବ୍ଲକ ଅଧ୍ୟକ୍ଷା ବାଲା ସାଇ ଆମ୍ମା, ଏନ ଏ ସି ଉପାଧ୍ୟକ୍ଷ ରଘୁରାମ ସାହୁ, ସମାଜସେବୀ ହୃଷିକେଶ ଗୌଡ଼,ସେବା ସଂସ୍ଥାର ସଭାପତି କେ ରାମା ରାଓ, କବି ପ୍ରଶାନ୍ତ ମିଶ୍ର, ସୁବାସ ବିଶେଶରାୟ ଉପସ୍ଥିତ ରହି ଅବସର ପ୍ରାପ୍ତ ଥାନା ଅଧିକାରୀ ଗୋବିନ୍ଦ ଗୌଡ଼ ଙ୍କ କାର୍ଯ୍ୟ ଦକ୍ଷତା ଓ ଜନ ସମ୍ପର୍କ ବିଷୟରେ ବକ୍ତବ୍ୟ ରଖି ଖୁବ କମ ସମୟରେ ସମସ୍ତ ଜନସାଧାରଣଙ୍କ ପ୍ରିୟଭାଜନ ହୋଇ ଡି ଜେ ଡେସ୍କ ଉପାଧି ରେ ସମ୍ମାନିତ ହୋଇ ଗଜପତି ମାଟି ର ପ୍ରଶଂସା ର ପାତ୍ର ହୋଇ ପାରି ଥିବା ସମସ୍ତେ କହିଥିଲେ. ଗଜପତି ଗୌଡ଼ ସମାଜର ସଦସ୍ୟ ମାନେ ମଧ୍ୟ ଏହି ସମ୍ବର୍ଦ୍ଧନା ସଭାରେ ଉପସ୍ଥିତ ରହି ଥାନା ଅଧିକାରୀ ଗୋବିନ୍ଦ ଗୌଡ଼ଙ୍କୁ ଉତ୍ତରୀୟ ସହ ପୁଷ୍ପ ଗୁଚ୍ଛ ପ୍ରଦାନ କରି ଅବସର ସମୟ ଭଲ ଭାବେ ଅତିବାହିତ ହେଉ ଓ ସେ ଦୀର୍ଘ ଜୀବି ରୁହନ୍ତୁ ବୋଲି କହିଥିଲେ. କାଶୀନଗର ପ୍ରେସ କ୍ଲବ ସଭାପତି ଆନନ୍ଦ ଚନ୍ଦ୍ର ପାତ୍ର ନିଜ ବକ୍ତବ୍ୟରେ ଥାନା ଅଧିକାରୀଙ୍କ କାର୍ଯ୍ୟ ଶୈଳୀ ଓ ଜନ ସମ୍ପର୍କ ବିଷୟରେ ପୁଙ୍ଖାନୁପୁଙ୍ଖ କହି ଥିବା ବେଳେ ସମ୍ପାଦକ ରାଜେଶ ମିଶାଲ ଦେଇ ଆସିଥିବା ଅତିଥି, ବରିଷ୍ଠ ନାଗରିକ, ବିଭାଗୀୟ ଅଧିକାରୀଙ୍କୁ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ.