କାହାଳିଆରେ ରକ୍ତଦାନ ଶିବିର ଅନୁଷ୍ଠିତ

ନୀଳଗିରି,(ୱାଏନଏସ):ନୀଳଗିରି ଏନଏ ସି ଅନ୍ତର୍ଗତ କାହାଳିଆ ଗ୍ରାମରେ ରକ୍ତଦାନ ଶିବିର ଆୟୋଜିତ ହୋଇ ଯାଇଛି। ସମାଜସେବୀ ତପସ୍ଵିନୀ ପଣ୍ଡାଙ୍କ ନେତୃତ୍ଵରେ ଅନୁଷ୍ଠିତ ହୋଇଯାଇଛି, ରକ୍ତ ଦାନ ଶିବିରଟି ୧୦ ନମ୍ବର ୱାଡ଼ ତଳ କାହାଳିଆରେ ଅନୁଷ୍ଠିତ ହୋଇଥିଲା। ନୀଳଗିରି ରକ୍ତଦାତା ସଂଘର ସାଧାରଣ ସମ୍ପାଦକ ବିଜୟ ପାତ୍ର ଓ କାଉନସିଲର ଗୌରାଙ୍ଗ ବିନ୍ଧାଣୀ ଉକ୍ତ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ପ୍ରଥମେ ରକ୍ତଦାନ ଉପରେ ଆଲୋଚନା କରାଯାଇଥିଲା। ଶିବିରରୁ ପନ୍ଦର ୟୁନିଟ୍ ରକ୍ତ ସଂଗୃହୀତ ହୋଇଛି। ନୀଳଗିରି ରକ୍ତ କେନ୍ଦ୍ରରୁ ଟେକନିସିଆନ ସରୋଜ କୁମାର ପଶା, ଗତିକୃଷ୍ଣ ମହାନ୍ତି, ରାଜେଶ କୁମାର ନାୟକ ପ୍ରମୁଖ ଉକ୍ତ ସଂଗ୍ରହ ଶିବିରକୁ ପରିଚାଳନା କରିଥିବା ବେଳେ କାହାଳିଆ ଯୁବଶାଖା ପକ୍ଷରୁ ଜ୍ଞାନେନ୍ଦ୍ର ପଣ୍ଡା, ଉପେନ୍ଦ୍ର ଦାସ ଓ ବହୁ ଯୁବ ସାଥୀ ସହଯୋଗ କରିଥିଲେ।