କିରୋସିନ ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୩.୨୦ କୋଟି ପ୍ରଦାନ କଲା ତୈଳ ରାଷ୍ଟ୍ରାୟତ ଉଦ୍ୟୋଗ ଓଆଇଏଲ୍
ଭୁବନେଶ୍ୱର : ଓଡିଶାରେ ସାମୁଦ୍ରିକ ଝଡ ଫନୀରେ କ୍ଷତିଗ୍ରସ୍ତ ଲୋକଙ୍କ ପାଇଁ ମାଗଣାରେ ୧ ହଜାର କିଲୋ ଲିଟର କରୋସିନ ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅନୁରୋଧ ପତ୍ରକୁ ସ୍ୱୀକାର କରି ୧ ହଜାର କିଲୋ ଲିଟର (୧୦ ଲକ୍ଷ ଲିଟର ) କିରୋସିନ ଯୋଗାଇଦେବା ମୂଲ୍ୟସ୍ୱରୂପ ୩.୨୦ କୋଟି ଟଙ୍କାର ଚେକ୍ ତୈଳ ରାଷ୍ଟ୍ରାୟତ ଉଦ୍ୟୋଗ (ଓଆଇଏଲ୍) ତରଫରୁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ସୋମବାର ପ୍ରଦାନ କରାଯାଇଛି । ଓଆଇଏଲର ଜେନେରାଲ ମ୍ୟାନେଜର ରାଜୀବ ସିଂଘଲଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳି ସ୍ୱତନ୍ତ୍ର ରିଲିଫ କମିଶନର(ଏସଆରସି) ବିଷ୍ଣୁପଦ ସେଠୀଙ୍କୁ ଚେକ୍ ପ୍ରଦାନ କରିଛନ୍ତି । ସୂଚନାଯୋଗ୍ୟ ଯେ, ସାମୁଦ୍ରିକ ଝଡ ଫନୀ ଗତ ୩ ତାରିଖରେ ଓଡିଶାର ପୁରୀ ଠାରେ ଲ୍ୟାଣ୍ଡଫଲ କରିଥିଲା । ବାତ୍ୟା ପ୍ରଭାବରେ ରାଜ୍ୟର ୧୧ଟି ଜିଲ୍ଲା ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ତେବେ ଓଡିଶାର ଦୁଃଖଦ ଘଡିରେ ଭାରତର ପ୍ରମୁଖ କମ୍ପାନୀ ଓଆଇଲ ବାତ୍ୟା ପ୍ରପୀଡିତଙ୍କ ସହ ଠିଆ ହୋଇଛି ।
