କୁତ୍ରିମ ବନ୍ୟା ରେ ବେହାଲ ମାୟାନଗରୀ ମୁମ୍ବାଇ
ଯୁଗାବ୍ଦ ନ୍ୟୁଜ -(ମୁମ୍ବାଇ )ମାୟାନଗରୀ ମୁମ୍ବାଇ ରେ ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ବିଭିନ୍ନ ସ୍ଥାନ ରେ କୃତ୍ରିମ ବନ୍ୟା ଦେଖିବାକୁ ମିଳିଥିବା ପରେ ମଲାଡ଼ରେ ଏକ କାନ୍ଥ ଭୁଶୁଡ଼ି ୧୯ ଜଣଙ୍କ ମୃତ୍ୟୁ ଘଟିଛି ଓ ଅନେକ ଲୋକ ଆହତ ହୋଇଛନ୍ତି। ଏହାକୁ ମିଶାଇ ୩୬ ଘଣ୍ଟା ମଧ୍ୟରେ ବର୍ଷା ଜନିତ ଦୁର୍ଘଟଣାରେ ୨୭ ଜଣଙ୍କ ମୃତ୍ୟୁ ଘଟିଛି।। ପ୍ରବଳ ବର୍ଷା ଯୋଗୁଁ ବିମାନ ସେବା ଓ ଟ୍ରେନ ସେବା ବହୁଳ ଭାବେ ପ୍ରଭାବିତ ହୋଇଛି। ୨୦ରୁ ଅଧିକ ଦୂରଗାମୀ ଟ୍ରେନକୁ ବାତିଲ କରିଦିଆଯାଇଛି। କେତେକ ଟ୍ରେନର ଗତି ପଥରେ ପରିବର୍ତ୍ତନ କରାଯାଇଛି। ସେହିପରି ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନ ବନ୍ଦରରେ ୫୨ଟି ବିମାନର ଉଡ଼ାଣ ବାତିଲ କରାଯାଇଛି। ୫୪ଟି ବିମାନକୁ ପାଣିପାଗ ବିଭାଗ ଆସନ୍ତା ୪୮ ଘଣ୍ଟା ପର୍ୟ୍ୟନ୍ତ ପ୍ରବଳରୁ ଅତିପ୍ରବଳ ବର୍ଷାର ଚେତାବନୀ ଜାରି କରିଛି। ଫଳରେ ଆଗକୁ ପରିସ୍ଥିତି ଅଧିକ ଖରାପ ହେବାର ଆଶଙ୍କା ପ୍ରକାଶ ପାଇଛି। ଅନ୍ୟତ୍ର ଅବତରଣ କରାଯାଇଛି। ଅନେକ ଯାତ୍ରୀ ବିମାନ ବନ୍ଦରରେ ଫସି ରହିଛନ୍ତି। ମୁମ୍ବଇରେ ସୋମବାର ବଜ୍ରପାତରେ ୩ ଜଣଙ୍କ ମୃତ୍ୟୁ ଘଟିଥିବାବେଳେ ବିଦ୍ୟୁତ ଆଘାତରେ ଜଣଙ୍କ ମୃତ୍ୟୁ ଘଟିଥିଲା।
