କେନାଲରେ ଗାଧୋଉଥିବା ବେଳେ ବୁଡିଯାଇ ବୃଦ୍ଧଙ୍କ ମୃତ୍ୟୁ

କେନ୍ଦ୍ରାପଡା,(ଚିତ୍ତରଞ୍ଜନ ଦାସ) : ମାର୍ଶାଘାଇ କେନାଲରେ ଗାଧୋଉଥିବା ସମୟରେ ବୁଡି ଯାଇ ବୃଦ୍ଧଙ୍କ ମୃତ୍ୟୁ ହୋଇଯାଇଥିବା ଜଣାପଡିଛି । ଘଟଣା ଅନୁଯାଇ କେନ୍ଦ୍ରାପଡା ସଦର ଥାନା ଅନ୍ତର୍ଗତ ଚକ୍ରୋଡା ପଂଚାୟତର ନରିଲୋ ମଠପଡା ଗ୍ରାମର ପହ୍ଲାଦ ନାୟକ ନାମକ ୭୮ବର୍ଷ ବୟସର ବୃଦ୍ଧଙ୍କର ଶନିବାର ସକାଳ ପ୍ରାୟ ୭ଟା ସମୟରେ ମାର୍ଶାଘାଇ କେନାଲର ବସପୁର ନିକଟରେ ଗାଧୋଉଥିବା ବେଳେ ପାଦ ଖସିଯିବାରୁ ପାଣିରେ ବୁଡି ମରିଯାଇଥିବା ସ୍ଥାନୀୟ ଲୋକଙ୍କ ଠାରୁ ସୂଚନା ମିଳିଛି । ପ୍ରାୟ ୪ଘଂଟା ପରେ ସ୍ଥାନୀୟ ଲୋକଙ୍କ ସହାୟତାରେ ଗାଧୁଆ ଘାଟ ଠାରୁ ୩କିଲୋମିଟର ଦ୍ୱରରେ ବୃଦ୍ଧଙ୍କ ଶବ ଠାବକରାଯାଇଥିଲା ବୋଲି ସୂଚନା ମିଳିଛି ।