କେନ୍ଦ୍ରାପଡାର ନୂତନ ବିଡିଓଙ୍କୁ ସମ୍ବର୍ଦ୍ଧନା
କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):କେନ୍ଦ୍ରାପଡା ବ୍ଲକରେ ନୂତନ ଭାବେ ଯୋଗଦେଇଥିବା ମଣ୍ଡଳ ଉନ୍ନୟନ ଅଧିକାରୀ ଅଭିଷେକ ସ୍ୱାଇଁଙ୍କୁ କଂସାର ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ତଥା ଓସ୍ତପୁର ପ୍ରାଥମିକ କୃଷି ସମବାୟ ସମିତିର ସଭାପତି ପ୍ରଦ୍ୟୁମ୍ନ କୁମାର ଜେନା ପୁଷ୍ପଗୁଛ ପ୍ରଦାନ କରି ସମ୍ବର୍ଦ୍ଧିତ କରିଛନ୍ତି । ଶ୍ରୀ ଜେନାଙ୍କ ସହ ଓସ୍ତପୁର ପ୍ୟାକ୍ସର ନିର୍ଦେଶକ ଶରତ ଚନ୍ଦ୍ର ଦାସ, ଚନ୍ଦ୍ରକାନ୍ତ ବେହେରାଙ୍କ ସମେତ କଂସାର ପଞ୍ଚାୟତର କେତେକ ସ୍ୱେଛାସେବୀ ଉପସ୍ଥିତ ଥିଲେ । କଂସାର ପଞ୍ଚାୟତରେ ରାସ୍ତାଘାଟ, ନାଳନର୍ଦମା, ଷ୍ଟ୍ରୀଟ୍ ଲାଇଟ୍, ସ୍ୱାସ୍ଥ୍ୟ ଶିକ୍ଷା ଇତ୍ୟାଦି ସମସ୍ୟା ସମାଧାନ ପାଇଁ ନିବେଦନ କରିଥିଲେ । ସେହିପରି ଯୋଗ୍ୟ ହିତାଧିକାରୀଙ୍କୁ ଆବାସ ଯୋଜନାରେ ଗୃହ ପ୍ରଦାନ, ଯୋଗ୍ୟ ହିତାଧିକାରୀଙ୍କୁ ରାସନ କାର୍ଡ ପ୍ରଦାନ କରିବା ପାଇଁ କହିଥିଲେ । ଏହି ନିବେଦନ ଶୁଣିବା ପରେ ଖୁବ ଶୀଘ୍ର ସେଗୁଡିକର ସମାଧାନ ହେବ ବୋଲି ବିଡିଓ ଶ୍ରୀ ସ୍ୱାଇଁ ପ୍ରତିଶୃତି ଦେଇଥିଲେ । ଏହି ଅବସରରେ ବିଡିଓ କହିଲେ କେନ୍ଦ୍ରାପଡା ବ୍ଲକର ସର୍ବାଙ୍ଗ ଉନ୍ନତି ପାଇଁ ସେ ପ୍ରାଥମିକତା ଦେବେ । ବିଶେଷ କରି ଶିକ୍ଷା ଓ ସ୍ୱାସ୍ଥ୍ୟ ଉପରେ ଅଧିକ ଗୁରୁତ୍ୱ ଦେବେ ବୋଲି କହିଥିଲେ । ଅନ୍ୟାନ୍ୟ ସମସ୍ୟା ଉପରେ ଧ୍ୟାନ ଦେବେ ବୋଲି କହିଥିଲେ ।
