କେନ୍ଦ୍ରାପଡା ଅର୍ବାନ ବ୍ୟାଙ୍କ ପକ୍ଷରୁ ସ୍ୱାଧୀନତା ଦିବସ ପାଳିତ

କେନ୍ଦ୍ରାପଡା : କେନ୍ଦ୍ରାପଡା ଅର୍ବାନ ବ୍ୟାଙ୍କ ମୁଖ୍ୟ କାର୍ଯ୍ୟାଳୟ ପରିସରରେ ୭୩ତମ ସ୍ୱାଧୀନତା ଦିବସ ମହାଆଡମ୍ବରରେ ପାଳିତ ହୋଇଯାଇଛି । ଏହି ଉପଲକ୍ଷେ ବ୍ୟାଙ୍କର ନିର୍ଦେଶକ ମହମ୍ମଦ ଆକବର ଅଲ୍ଲୀ ଜାତୀୟ ପତାକା ଉତ୍ତୋଳନ କରିବା ପରେ ସମବେତ କଣ୍ଠରେ ଜାତୀୟ ସଂଗୀତ ଗାନ କରାଯାଇଥିଲା । ପରେ ମହମ୍ମଦ ଅଲ୍ଲୀ ଅଭିଭାଷଣ ରଖିଥିଲେ । ଦେଶର ସ୍ୱାଧୀନତା ପୃଷ୍ଠ ଭୂମୀରେ ବଳିଦାନ ଏବଂ ଯୋଗଦାନ କରିଥିବା ଅମର ଶହୀଦ ଏବଂ ଜନନେତାମାନଙ୍କର ସ୍ମୃତିଚାରଣ କରାଯାଇଥିଲା । ସାଂପ୍ରତିକ ସମୟରେ ଦେଶ ସମ୍ମୁଖରେ ଆସିଥିବା ଆହ୍ୱାନ ଏବଂ ସୁଯୋଗର ପରିପାଳନ ନିମିତ୍ତସମସ୍ତଙ୍କ ଭୂମିକା ରହିଛି ବୋଲି ଉପଲବ୍ଧି କରିବା ସହିତ ବ୍ୟାଙ୍କର ବିକାଶ ଏବଂ ପରିବର୍ଦ୍ଧନ ନିମନ୍ତେ ସମସ୍ତେ ଏକମନ ହୋଇ କାର୍ଯ୍ୟ କରିବାକୁ ଶପଥ ନେଇଥିଲେ । ଅନ୍ୟମାନଙ୍କ ମଧ୍ୟରେ ବ୍ୟାଙ୍କର ନିର୍ଦେଶକ ଫକିର ଚରଣ ଖଟୁଆ, ମହେନ୍ଦ୍ର ପରିଡା, ଶରତ କୁମାର ବେହୁରା, ସିଦ୍ଧାର୍ଥ ଶଙ୍କର ଜେନା, ବ୍ୟାଙ୍କର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସୁଶିଲ କୁମାର ସାମଲ, ସାଧାରଣ ପ୍ରବନ୍ଧକ ମନ୍ମଥନାଥ ରାଉତ, ଭଞ୍ଜକିଶୋର ମହାନ୍ତିଙ୍କ ସମେତ ବ୍ୟାଙ୍କର କର୍ମଚାରୀ ମଣ୍ଡଳୀ, ଶୁଭେଛୁ ଓ ସ୍ଥାନୀୟ ଜନସାଧାରଣ ଯୋଗଦେଇଥିଲେ ।