କେଲୁଅ ନଦୀରୁ ଅଚିହ୍ନା ଯୁବକର ମୃତ ଦେହ ଉଦ୍ଧାର

ଯାଜପୁର,(ୱାଏନଏସ):ଯାଜପୁର ଜିଲ୍ଲାର ଧର୍ମଶାଳା ଅଞ୍ଚଳରେ ପ୍ରବାହିତ ବ୍ରାହ୍ମଣୀ ଶାଖା କେଲୁଅ ନଦୀରୁ ଅଚିହ୍ନା ଯୁବକଙ୍କ ମୃତ ଦେହ ଉଦ୍ଧାର। ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅରାବଳ ପଞ୍ଚାୟତ ମୋହନପୁର ନିକଟରେ। ଆଜି ଜଣେ ଅଚିହ୍ନା ଯୁବକର ମୃତ ଦେହ ନଦୀରେ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଏ ନେଇ ପୋଲିସକୁ ଖବର ଦେଇଥିଲେ। ଖବର ପାଇ କୋତପୁର ଫାଣ୍ଡି ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିଛି। ମୃତ ଯୁବକ ଏକ କଳା ରଙ୍ଗର ପ୍ୟାଣ୍ଟ, ହଳଦିଆ ରଙ୍ଗର ଗଞ୍ଜି ପିନ୍ଧିଥିବା ବେଳେ ଅଣ୍ଟାରେ ଏକ ଗାମୁଛା ବନ୍ଧା ହୋଇଛି। ତେବେ ମୃତ ଯୁବକର ପରିଚୟ ମିଳିପାରିନଥିବା ବେଳେ ପୋଲିସ ଘଟଣାର ତଦନ୍ତ କରୁଛି।